Vista a acta da mesa do procedemento de alleamento dun inmoble situado na avenida da Florida, 7, de Vigo, mediante poxa realizada o día 13 de febreiro de 2001, de conformidade co disposto nos artigos 26 da Lei 3/1985, do 12 de abril, do patrimonio da Comunidade Autónoma de Galicia, e 66 e seguintes do Decreto 50/1989, do 9 de marzo, polo que se aprobou o Regulamento que desenvolve a Lei 3/1985.

Visto o informe da Intervención Delegada do 14 de febreiro de 2001.

No exercicio das competencias que teño atribuídas segundo o disposto no artigo 70 do antedito regulamento,

RESOLVO:

Aproba-la adxudicación a favor de Suelo y Vivienda Balaídos, S.L., CIF B-36819001, con domicilio na rúa Progreso, 36-3º A de Vigo, do procedemento de alleamento, mediante poxa realizada o 13 de febreiro de 2001, e anunciada no Diario Oficial de Galicia do 11 de xaneiro de 2001, do inmoble que se describe a continuación polo prezo de cento noventa e cinco millóns cen mil pesetas (195.100.000 pesetas):

Soar situado no número 7 da avenida da Florida (Vigo), dunha superficie de 157,05 metros cadrados, que linda pola fronte, coa avenida da Florida; pola dereita, co predio de Vigo Miñor, S.A.; pola esquerda, comunidade de propietarios nº 1 da avenida da Florida; polo fondo, coa avenida do Fragoso; e inscrito no Rexistro da Propiedade nº 3 de Vigo, libro 605, folio 159, predio número 46.236, inscrición primeira.

Contra esta resolución, que pon fin á vía administrativa, poderá interpoñerse, potestativamente, recurso de reposición perante esta consellería no prazo dun mes contado desde o día seguinte ó da súa publicación no Diario Oficial de Galicia, ou recurso contencioso-administrativo perante a Sala do Contencioso-Administrativo do Tribunal Superior de Xustiza de Galicia no prazo de dous meses.

Santiago de Compostela, 14 de febreiro de 2001.

P.D. (Orde 13-12-1993, DOG nº 240, do 15 de decembro)

Emilio Álvarez Rey

Secretario xeral e do Patrimonio da Consellería

de Economía e Facenda