Unión Fenosa Distribución, S.A., con domicilio para efectos de notificacións na r/ Sáenz Díez, nº 45, 32003 Ourense, solicitou desta delegación provincial a autorización administrativa e a declaración, en concreto, de utilidade pública da instalación eléc

trica de referencia conforme o proxecto modificado presentado o 6-9-2000, modificación que se basea na mellora do servicio eléctrico na zona de Parada de Ribeira con relación ó previsto no proxecto 2-10-1997.

No expediente cumpríronse os trámites sinalados no artigo 53 da Lei 54/1997, do 27 de novembro, do sector eléctrico, e os regulamentarios ordenados no capítulo III do Decreto 2617/1966, do 20 de outubro, sobre autorización de instalacións eléctricas, e nos capítulos III e IV do regulamento de aplicación da Lei 10/1966, do 18 de marzo, sobre expropiación forzosa e sancións en materia de instalacións eléctricas, aprobado polo Decreto 2619/1966, do 20 de outubro, de aplicación ó presente expediente segundo o establecido pola disposición transitoria undécima do Real decreto 1955/2000, do 1 de decembro, que regula o procedemento de autorización de instalacións de enerxía eléctrica.

Na fase de información pública presentou alegacións o propietario do predio nº 5 da relación de afectados, que solicita por diversos motivos a denegación da utilidade pública da instalación, ó tempo que alega sobre o prexuízo económico que lle causará a servidume de paso que se constitúa. Estas alegacións desestímanse á vista do alegado pola propia empresa beneficiaria, pois o trazado, que substitúe pola mesma traza a liña eléctrica existente en apoios de madeira, é axeitado para o fin de que se pretende e dará, a través das redes de baixa tensión, unha mellor calidade na subministración eléctrica; deste xeito aténdense as reclamacións dos veciños da zona. Non corresponde a esta fase do procedemento entrar en valoracións económicas, o que será apreciado polo Xurado de Expropiacións desta provincia, podendo o afectado presenta-la correspondente folla de aprecio na que concrete o valor que ó seu entender teñen os bens ou dereitos expropiados.

Visto sobre o terreo o citado trazado da liña eléctrica proxectada, obsérvase que naquela non se dá ningunha das prohibicións ou limitacións ás que se refiren respectivamente os artigos 25 e 26 do citado Decreto 2619/1966.

Sendo competente este organismo, con base no Estatuto de autonomía de Galicia, no Real decreto 2563/1982, do 24 de xullo, sobre traspaso de funcións e servicios da Administración do Estado á Comunidade Autónoma galega en materia de industria, enerxía e minas, e no exercicio das competencias atribuídas polos decretos 2617 e 2619/1966,

RESOLVO:

Primeiro.-Autorizarlle a Unión Fenosa Distribución, S.A. o establecemento da instalación eléctrica que conta cos seguintes datos básicos para un orzamento de 5.758.529 pesetas:

-L.M.T. aérea a 20 kV, de 653 m, derivada desde o apoio nº 29 da L.M.T. Xinzo de Limia-Os Blancos e remata no tramo existente da L.M.T. en apoios de formigón a C.T. de Granxas Parada. C.T. de

160 kVA con r/t 20/0,380-0,220 kV. Redes de baixa tensión derivadas desde o citado centro de transformación, de 890 m de lonxitude, con apoios de formigón e conductor R.Z.

Segundo.-Declara-la utilidade pública, en concreto, da instalación eléctrica autorizada, coas consecuencias establecidas no artigo 54 da Lei 54/1997, do sector eléctrico, de necesidade de ocupación dos bens ou de adquisición dos dereitos afectados e a urxente ocupación para os efectos do artigo 52 da Lei de expropiación forzosa. Igualmente levará implícita a autorización para o establecemento ou paso da instalación eléctrica sobre terreos de dominio, uso ou servicio público ou patrimoniais do Estado, ou das comunidades autónomas, ou de uso público, propios ou comunais da provincia ou municipio, obras e servicios destes e zonas de servidume pública.

Terceiro.-Que o representante da Administración, en cumprimento do disposto nos artigos 52 da Lei de expropiación forzosa, do 16 de decembro de 1954, e 31 do regulamento da Lei 10/1966, do 18 de marzo, dea comezo ó levantamento das actas previas á ocupación, nos días e horas que a cada interesado se lle notifique individualmente, dos predios contidos na resolución desta delegación provincial do 28 de setembro de 2000, que se publicou no DOG do 24 de novembro, no BOP de Ourense do 25 de novembro e no xornal do 31 de outubro de 2000.

Contra a presente resolución, que non é definitiva en vía administrativa, poderase interpoñer recurso de alzada perante o conselleiro de Industria e Comercio, no prazo dun mes contado desde o día seguinte ó da súa publicación, conforme o establecido no artigo 114 da Lei 30/1992, do 26 de novembro, de réxime xurídico das administracións públicas e do procedemento administrativo común, ou calquera outro recurso que se considere pertinente.

Ourense, 25 de xaneiro de 2001.

Alfredo Cacharro Pardo

Delegado provincial de Ourense