A Comisión de Goberno, en sesión do 5-2-2001, adoptou o seguinte acordo:

«Primeiro.-Prestar aprobación, con carácter definitivo, ó proxecto de estatutos e de bases de actuación da futura xunta de compensación da unidade de actuación 27 do Plan Xeral de Ordenación Urbana, polígono situado entre as rúas Camiño do Gorgullón e Pedro Sarmiento de Gamboa, sendo formulado este proxecto polas entidades mercantís Construcuatro, S.A. e Prycoga, S.L., actuando en nome e representación de propietarios que representan máis do 50 por 100 da superficie da citada unidade de actuación, facendo constar que o texto definitivo do proxecto de estatutos e de bases é o publicado no BOP nº 196, do 11-10-2000.

Segundo.-Designar, como representante desta administración, no órgano rector da xunta ó tenente de alcalde da área de Urbanismo e Medio Ambiente, Xosé Cesáreo Mosquera Lorenzo ou quen no sucesivo

asuma este cargo, cambio que se notificaría oportunamente á xunta.

Terceiro.-Requirirlle os propietarios afectados a constitución, mediante escritura pública, da xunta de compensación da unidade, no prazo de tres meses desde que sexa firme en vía administrativa o acto de aprobación de estatutos e bases.

Cuarto.-Requirir a Manuel Troitiño Troitiño e Carmen Rey García, na súa condición de propietarios afectados pola xestión desta unidade de actuación número 27, que non solicitaron a súa incorporación á xunta de compensación dese polígono urbanístico, para que así o efectúen, se o desexan, no prazo dun mes, contado desde a notificación deste acordo.

Advírtese a estes propietarios afectados e citados no punto anterior, que de non incorporarse á xunta de compensación no prazo referido, integración que será con igualdade de dereitos e obrigas ós restantes propietarios, isto é, un mes desde a notificación deste acto administrativo, unha vez transcorrido este, a incorporación só será posible se non entorpece o desenvolvemento do proceso e o aproba a xunta de compensación, podendo a xunta de compensación solicitar da Administración actuante, ou ben a expropiación dos devanditos predios tendo a condición de beneficiaria dela, ou ben a ocupación deses predios a favor da xunta de compensación co fin de posibilita-la execución das obras de urbanización previstas, recoñecendo os seus titulares o dereito á adxudicación de terreos edificables en proporción á superficie achegada coa reducción adecuada para compensa-los gastos de urbanización correspondentes, e, neste último caso, aínda cando os terreos quedasen directamente afectados ó

cumprimento das obrigas inherentes ó sistema, a xunta de compensación só actuará como fiduciaria con pleno poder dispositivo sobre os predios que pertenzan ós propietarios incorporados voluntariamente a esta. En todo caso, se os propietarios afectados pola ocupación demostrasen que os seus terreos constitúen a única ou predominante fonte de ingresos cos que contan, terán dereito a percibir unha indemnización equivalente á rendibilidade demostrada, durante o período que medie entre a ocupación efectiva e a adxudicación que lles corresponda, ou á expropiación do seu dereito.».

O que se fai público para a súa executividade, subliñándose que contra este acto administrativo, que pon fin á vía administrativa, se poderá interpoñer ben o recurso potestativo de reposición perante o mesmo órgano que a dictou e no prazo dun mes contado desde o día seguinte ó da súa modificación, consonte co establecido no artigo 116.1º da Lei 30/1992, do 26 de novembro, na redacción dada pola Lei 4/1999, ou ben directamente o recurso contencioso-administrativo perante o Xulgado do Contencioso-Administrativo de Pontevedra no prazo de dous meses, contados a partir do día seguinte ó da súa notificación, conforme o disposto nos artigos 8.1º e 46.1º da Lei 29/1998, do 13 de xuño, da xurisdicción contencioso-administrativa.

De se interpoñe-lo recurso potestativo de reposición, este deberá ser resolto e notificado no prazo

dun mes segundo se establece no artigo 117.2º da citada Lei 30/1992, modificada pola Lei 4/1999, entendéndose desestimado polo transcurso do mencionado prazo sen resolución expresa, de conformidade co establecido no artigo 43.2º desa Lei 30/1992, podendo entón interpoñer recurso contencioso-administrativo dentro do prazo de seis meses contado desde o día seguinte a aquel no que se deba entender presuntamente desestimado o recurso de reposición interposto, conforme o establecido no artigo 46.1º e 4º da Lei 29/1998, reguladora da xurisdicción contencioso-administrativa.

Non obstante, tamén se poderá interpoñer calquera outro recurso que os interesados coiden procedente consonte o dereito.

Pontevedra, 14 de febreiro de 2001.

Julio Dapena Outomuro

Secretario xeral

P.D.

Xosé Cesáreo Mosquera Lorenzo

Tenente de alcalde delegado da área de Urbanismo e Medio Ambiente