Aprobado por decreto da alcaldía, do 23 de febreiro de 2001, o expediente de contratación, incluídos os pregos de cláusulas administrativas particulares técnicas que rexerán o concurso para a contratación da adquisición de vehículo compactador-recolector, expóñense o público durante 8 días, contados a partir do seguinte ó de publicación deste anuncio no Diario Oficial de Galicia, para que poidan presentarse reclamacións polos que se consideren interesados.
Simultaneamente, anúnciase o concurso, aprazándose a licitación se resultase necesario por formularse reclamacións contra os pregos.
Entidade adxudicadora.
Concello da Guarda, praza do Reloxo, s/n, 36780. Teléfono 986 61 00 00. Fax 986 61 02 83.
Obxecto do contrato.
Adquisición do vehículo compactador-recolector.
Tipo de licitación.
17.000.000 de pesetas (102.172,06 euros).
Modalidade de adxudicación.
Concurso público, procedemento aberto, tramitación urxente.
Garantías.
Provisional: 2% do orzamento.
Definitiva: 4% do orzamento.
Exame do expediente.
Os licitadores poderán examina-lo expediente na secretaría xeral do concello, das 9 ás 13 horas, excepto sábados e festivos, e ata o día anterior ó do remate do prazo de presentación de proposicións.
Presentación de proposicións.
No rexistro xeral do concello, dentro do prazo de 13 días naturais, contados a partir do día da última publicación deste anuncio no DOG das nove ás trece horas e de luns a venres, na forma sinalada na cláusula décimo terceira do prego de cláusulas administrativas técnicas. Se o último día de presentación de ofertas fose inhábil, prorrogarase ata o día hábil seguinte.
Apertura das proposicións.
A apertura terá lugar ás 13 horas do día hábil seguinte ó sinalado como último para a presentación de proposicións (para estes efectos o sábado considerarase inhábil).
Gastos de anuncios.
Por conta do adxudicatario.
A Guarda, 23 de febreiro de 2001.
José Luis Alonso Riego
Alcalde