De conformidade co disposto no artigo 4 do Real decreto 873/1977, do 22 de abril, de desenvolvemento da Lei 19/1977, do 1 de abril, e para os efectos previstos no mencionado real decreto, faise público que na Sección de Mediación, Arbitraxe e Conciliación desta delegación provincial, foron depositados a acta de constitución e os estatutos da Asociación de Academias de Vilagarcía (Acavi), que abranguen os seguintes ámbitos.

Territorial: local.

Profesional: representación dos intereses profesionais colectivos dos seus empresarios membros e das asociacións sectoriais nela encadradas, en cantas actuacións teñan por obxecto a realización dos fins da asociación.

Asinan a acta de constitución: Carlos Óscar Rodríguez Bona e outros.

Os estatutos depositados poderán ser examinados por calquera persoa interesada.

Vigo, 31 de xaneiro de 2001.

Antonio Coello Bufill

Delegado provincial de Pontevedra