De conformidade co disposto no artigo 59.4º da Lei 30/1992, do 26 de novembro, de réxime xurídico das administracións públicas e do procedemento administrativo común, e da Lei 4/1999, que modifica parcialmente a citada Lei 30/1992, notifícaselle á persoa que se relaciona no anexo, na súa condición de interesado, a proposta de resolución que formula o instructor, polos feitos sinalados, presumiblemente constitutivos dunha infracción a Lei 22/1988, do 28 de xullo, de costas (no sucesivo LC), e do seu regulamento (en diante RC).
O que se lle comunica ó interesado, de conformidade cos artigos 19.1º do R.D. 1398/1993 e 194.10º do Regulamento de costas, para que no prazo de quince (15) días, a partir da publicación deste anuncio no Diario Oficial de Galicia, poida obte-las copias dos documentos que constan no expediente que estime oportunos e formula-las alegacións e presenta-los documentos que crea pertinentes, perante o instructor do procedemento.
Pontevedra, 29 de xaneiro de 2001.
José Luis Díez Yáñez
Delegado provincial de Pontevedra
ANEXO
Expediente número: 85.1/1999.
Interesados: José Luis Pérez Rodríguez e Mª Pilar Outeiriño Aguiar.
Condición: propietarios actuais.
Último enderezo coñecido: r/ Mestre Monte, nº 6, 3º D, Vigo.
Data da proposta: 23-11-2000.
Feitos: instalación dunha casa prefabricada e peche de parcela.
Lugar: As Aceñas.
Concello: A Illa de Arousa.
Proposta: en aplicación dos artigos 95.1º e 97.1º da LC e artigos 179.1º e 180 b) do RC, proponse a imposición a José Pérez Fernández, na súa condición de promotor, dunha multa de seiscentas dezanove mil setecentas dez pesetas (619.710 pesetas), que deberá aboar ingresando na conta nº 2091-0388-90-3110001181 da oficina de Caixa Galicia en Pontevedra, a citada cantidade, desde que sexa definitiva en vía administrativa a resolución que recaia e que se lle ordene volve-los terreos nos que se executou a obra obxecto deste expediente ó seu primitivo estado, debendo realizalo no prazo dun mes, desde que sexa definitiva en vía administrativa a resolución que sobre o particular recaia. Transcorrido o prazo sen que se cumprise o ordenado, imporáselle unha multa coercitiva por importe de sesenta e unha mil novecentas setenta e unha pesetas mensuais (61.971 pesetas) ata a súa total execución,
procedéndose á súa execución subsidiaria por conta do infractor e á súa custa, no caso de que este non o leve a cabo.