Visto o expediente para outorgamento de autorización administrativa e aprobación do proxecto de execución da instalación eléctrica que a continuación se cita.
Solicitante: Unión Fenosa Distribución, S.A.
Domicilio social: avda. de Arteixo, 171, 15000 A Coruña.
Denominación: L.M.T.S., CC.TT. e R.B.T.S. Rosalía de Castro.
Situación: Santiago de Compostela.
Descricións técnicas: liña eléctrica subterránea de media tensión, a 20 kV, baixo tubo e con conductor R.H.V. 12/20 kV de 3(1x240) mm Al de 300 m. de lonxitude, con orixe na liña que alimenta o C.T. rúa da Raxoeira e final nos novos CC.TT. Rosalía de Castro que se van instalar. Centros de transformación, situados en baixos de edificios de vivendas, un na r/ Agro do Medio e outro na rúa contigua ó cuarteirón de vivendas que alimenta, de 400 kVA/u e tensións de 20/0,380-0,220 kV, dos que parten redes de baixa tensión subterráneas en conductor R.Z., de 265 m de lonxitude, que alimentan a urbanización. Ames.
Cumpridos os trámites ordenados na Lei 54/1997, do 27 de novembro, e nos capítulos III e IV do Decreto 2617/1966, do 20 de outubro, sobre autorización de instalacións eléctricas, esta delegación provincial resolve:
Autorizar e aproba-lo proxecto de execución das devanditas instalacións, das que as características se axustarán en tódalas súas partes ás que figuran nel e ás condicións técnicas e de seguridade establecidas nos regulamentos de aplicación e nos condicionados establecidos polos ministerios, organismos ou corporacións que constan no expediente.
Contra a presente resolución poderase interpoñer recurso de alzada ante o conselleiro de Industria e Comercio no prazo dun mes contado a partir do día seguinte ó da notificación desta resolución;
tamén se poderá interpoñer calquera outro recurso que estime pertinente.
A Coruña, 18 de xaneiro de 2001.
Jesús Espada Martínez
Delegado provincial da Coruña