No Xulgado Contencioso-Administrativo número catro da Coruña tramítase o recurso 213/2000, procedemento abreviado, interposto contra o Decreto 244/1999, do 29 de xullo, Diario Oficial de Galicia do 1 de setembro, polo que se regula a cobertura de diversas prazas por funcionarios públicos docentes que impartan ensinanzas de niveis non universitarios.

En consecuencia, esta secretaría xeral acordou nesta mesma data e de conformidade co disposto no artigo 49 da Lei 29/1998, do 13 de xullo, reguladora da xurisdicción contencioso-administrativa, a remisión do correspondente expediente administrativo ó referido xulgado. O que se notifica para xeral coñecemento de tódalas persoas interesadas no procedemento e se emprazan para que poidan comparecer como parte en autos no Xulgado Contencioso-Administrativo número catro da Coruña, no

prazo de 9 (nove) días, contados desde o seguinte ó da publicación da presente resolución no Diario Oficial de Galicia.

Santiago de Compostela, 21 de febreiro de 2001.

Máximo García Serrano

Secretario xeral da Consellería de Educación

e Ordenación Universitaria