A Comisión de Goberno deste concello, en sesión realizada o día 23 de xaneiro de 2001, acordou presentar aprobación inicial ó estudio de detalle presentado pola entidade Inmobiliaria Nino Mirón, S.L., para definición das aliñacións exteriores e rasantes interiores da unidade de actuación da zona nº 3 no Vicaño-Sanxenxo, de conformidade coa documentación técnica redactada polo arquitecto José Inchaurraga Ruiz.

Exponse o expediente a información pública polo prazo dun mes, contado a partir do día seguinte a aquel en que sexa publicado o anuncio no Diario Oficial de Galicia, co obxecto de que quen se considere prexudicado ou afectado poida formula-las alegacións que coide procedentes.

De conformidade co disposto no artigo 34.2º do Regulamento de planeamento urbanístico, suspéndese o outorgamento de licencias para a área do territorio obxecto da modificación.

Este anuncio suple as circunstancias que poidan concorrer no disposto no artigo 59 da Lei 30/1992, do 26 de novembro, de réxime xurídico das administracións públicas e do procedemento administrativo común.

Sanxenxo, 13 de febreiro de 2001.

Telmo Martín González

Alcalde