Visto o expediente para outorgamento de autorización administrativa e aprobación do proxecto de execución da instalación eléctrica que a continuación se cita:

Solicitante: Unión Fenosa Distribución, S.A.

Domicilio social: Sáenz Díez, 45, 32003 Ourense.

Denominación: L.M.T., C.T., R.B.T., Taboazas, 1ª F.

Situación: Chandrexa de Queixa.

Características técnicas: liña aérea a 20 kV, en conductor, LA-56, de 1.745 m de lonxitude, derivada desde o apoio nº 44 da L.M.T. ó C.T. de Vozqueimado e remata no C.T. de Taboazas.

Cumpridos os trámites ordenados na Lei 54/1997, do 27 de novembro, e nos capítulos III e IV do Decreto 2617/1966, do 20 de outubro, sobre autorización de instalacións eléctricas, esta delegación provincial resolve:

Autorizar e aproba-lo proxecto reformado de execución das devanditas instalacións, nas que as características se axustarán en tódalas súas partes ás que figuran nel, que inclúe a modificación da traza sobre os predios 14 e 15 e ás condicións técnicas e de seguridade establecidas nos regulamentos de aplicación e nos condicionados establecidos polos ministerios, organismos ou corporacións que constan no expediente.

Contra esta resolución poderase interpoñer recurso de alzada ante o conselleiro de Industria e Comercio no prazo dun mes contado a partir do día seguinte ó da notificación desta resolución; tamén se poderá interpoñer calquera outro recurso que se estime pertinente ó seu dereito.

Ourense, 10 de xaneiro de 2001.

Alfredo Cacharro Pardo

Delegado provincial de Ourense