En cumprimento do disposto no artigo 70.2º da Lei 7/1985, do 2 de abril, en concordancia co 48.2º da Lei 1/1997, do 24 de marzo, do solo de Galicia, faise público que o Concello Pleno, en sesión ordinaria celebrada o vinteoito de decembro de dous mil, aprobou definitivamente o estudio de detalle para a ordenación de volumes edificables en soar situado na rúa Calvo Sotelo, esquina Estrada de Pintín, promovido por José Manuel González Parga, en representación de Promocións Urbans do Noroeste, S.L.
O contido da memoria, fundamentación, determinacións e ordenanzas do estudio de detalle definitivamente aprobado publicouse no BOP de Lugo número 15, correspondente ó 19 de xaneiro de 2001.
Contra o acordo de aprobación definitiva poderase recorrer potestativamente en reposición ante o mesmo órgano que dictou o acto, no prazo dun mes contado do día seguinte ó da presente publicación, ou ben poderase interpoñer directamente recurso contencioso-administrativo, diante do Xulgado do Contencioso-Administrativo de Lugo ou a sala correspondente do Tribunal Superior de Xustiza de Galicia segundo corresponda, durante o prazo de dous meses contados a partir do día seguinte ó da presente publicación.
Sarria, 22 de xaneiro de 2001.
Claudio Melquiades Garrido Martínez
Alcalde