O Pleno do Concello de Vigo, en sesión do día 27 de novembro de 2000, adoptou o seguinte acordo:
Primeiro.-Aprobar definitivamente o modificado do estudio de detalle do polígono nº 42 do PERI do Calvario en relación coas parcelas C, D, F, G e Q do citado polígono (expediente 6090/411), aprobado definitivamente con data do 20 de decembro de 1999, presentado pola xunta de compensación do polígono, redactado polo arquitecto José A. Martín Curty, e visado polo COAG con data do 31 de maio de 2000.
Segundo.-Proceder á publicación da aprobación definitiva no DOG e no BOP, segundo o artigo 48 da Lei 1/1997, do 24 de marzo, do solo de Galicia, con notificación persoal ós propietarios e demais interesados directamente afectados, comprendidos no ámbito territorial do estudio de detalle.
Contra o dito acordo, que pon fin á vía administrativa, poderá interpoñerse recurso contencioso-administrativo no prazo de dous meses contados desde o día seguinte ó da publicación deste anuncio.
Así mesmo, o presente anuncio servirá de notificación nos termos previstos no artigo 59 da Lei de réxime xurídico das administracións públicas e do procedemento administrativo común, para todos aqueles propietarios que sexan descoñecidos, se ignore o lugar de notificación ou, intentada esta, non se puidese practicar.
Vigo, 10 de xaneiro de 2001.
Lois Pérez Castrillo
Alcalde-presidente da Xerencia Municipal
de Urbanismo