Visto o expediente para outorgamento de autorización administrativa e aprobación do proxecto de
execución da instalación eléctrica que a continuación se cita:
Solicitante: Unión Fenosa Distribuidora, S.A.
Domicilio social: García Barbón, 38, 36201 Vigo.
Denominación: L.M.T. e C.T. rúa progreso nº 30.
Situación: Sanxenxo.
Descricións técnicas: L.M.T., subterránea, a 20 kV, de 12 m de lonxitude, con conductor tipo R.H.Z., desde a L.M.T. existente ó C.T. Primo de Rivera, alimentado en bucle ó C.T. que se proxecta na rúa progreso nº 30, no concello de Sanxenxo, rematando no punto de inicio da liña. C.T. de 400 kVA, relación de transformación 20 kV-380/220 V.
Cumpridos os trámites ordenados na Lei 54/1997, do 27 de novembro, e nos capítulos III e IV do Decreto 2617/1966, do 20 de outubro, sobre autorización de instalacións eléctricas, esta delegación provincial resolve:
Autorizar e aproba-lo proxecto de execución das devanditas instalacións, das que as características se axustarán en tódalas súas partes ás que figuran nel e ás condicións técnicas e de seguridade establecidas nos regulamentos de aplicación e nos condicionados establecidos polos ministerios, organismos ou corporacións que constan no expediente.
Contra esta resolución pódese interpor recurso de alzada ante o conselleiro de Industria e Comercio no prazo dun mes, contado a partir do día seguinte ó da súa notificación. Tamén se pode interpor calquera outro recurso que se considere pertinente.
Pontevedra, 2 de xaneiro de 2001.
P.D. (Resolución 26-12-2000)
Mª del Carmen Girón Daviña
Secretaria provincial de Pontevedra