Examinado o expediente incoado pola titularidade dos centros privados de educación especial Unidad de Diagnóstico y Tratamiento de Niños Autistas y Psicóticos da Coruña e Culleredo, solicitando ampliación de dúas unidades e cesamento de actividades, respectivamente.

Tendo en conta que os expedientes foron tramitados pola Delegación Provincial da Consellería de Educación e Ordenación Universitaria da Coruña, que se remiten cos informes correspondentes.

Vistos o Real decreto 334/1985, do 6 de marzo (BOE do 16), de ordenación da educación especial, Real decreto 1004/1991, do 14 de xuño (BOE do 26), polo que se establecen os requisitos mínimos dos centros que imparten ensinanzas de réxime xeral non universitarias, Decreto 133/1995, do 10 de maio (DOG do 22 de maio), sobre autorización de centros docentes privados para impartir ensinanzas de réxime xeral non universitarias, Orde do 20 de setembro de 1995 (DOG do 15 de decembro) que o desenvolve e o Decreto 320/1996, do 26 de xullo (DOG do 6 de agosto), de ordenación da educación de alumnos e alumnas con necesidades educativas especiais.

Considerando que concorren nos expedientes os requisitos esixidos nas disposicións vixentes para poder acceder ó solicitado.

Esta consellería, por proposta da Dirección Xeral de Centros e Inspección Educativa,

DISPÓN:

Primeiro.-Concederlle a ampliación de dúas unidades de educación especial ó centro privado Unidad de Diagnóstico y Tratamiento de Niños Autistas y Psicóticos da Coruña, código de centro 15027757, do que os demais datos se relacionan no anexo.

Segundo.-Autoriza-lo cesamento de actividades do centro privado de educación especial Unidad de Diagnóstico y Tratamiento de Niños Autistas y Psicóticos de Culleredo, código de centro 15025517.

Terceiro.-O concerto educativo subscrito, para 5 unidades de autistas, polo centro Unidad de Diagnóstico y Tratamiento de Niños Autistas y Psicóticos de Culleredo pasará, para tódolos efectos, ó centro Unidad de Diagnóstico y Tratamiento de Niños Autistas y Psicóticos da Coruña.

Disposición derradeira

A presente orde entrará en vigor o día seguinte da súa publicación no Diario Oficial de Galicia.

Santiago de Compostela, 17 de xaneiro de 2001.

Celso Currás Fernández

Conselleiro de Educación e Ordenación Universitaria

ANEXO

Provincia: A Coruña.

Concello: A Coruña.

Localidade: A Coruña.

Enderezo: Castro de Elviña.

Código do centro: 15027757.

Denominación específica: Unidad de Diagnóstico y Tratamiento de Niños Autistas y Psicóticos.

Titular: Asociación de Padres de Niños Autistas y Psicóticos.

Composición resultante:

Educación especial: 5 unidades de autistas.

Provincia: A Coruña.

Concello: Culleredo.

Localidade: Culleredo.

Enderezo: Castelo.

Código do centro: 15025517.

Denominación específica: Unidad de Diagnóstico y Tratamiento de Niños Autistas y Psicóticos.

Titular: Asociación de Padres de Niños Autistas y Psicóticos.

Unidades autorizadas: 5 de autistas.

Autorización do cesamento de actividades do centro.