Nos autos de execución 96/1999 e acumulada, seguidos neste Xulgado do Social número un de Santiago de Compostela, por instancia de Manuel Sánchez Pájaro e outros, contra José Álvarez Tato, data dezaoito de decembro de dous mil, dictou a maxistrada xuíza substituta deste xulgado, Mª Fe López Juíz, providencia que literalmente contén a seguinte:
Providencia maxistrada xuíza substituta López Juíz. Dada conta; visto o estado da presente execución número 96/1999 e acumulada, seguida neste xulgado por instancia de Manuel Sánchez Pájaro e outros, contra José Álvarez Tato; téndose acordado nesta, en proveído do vintecatro de outubro pasado, a realización de poxas os próximos días 8 de xaneiro, 29 de xaneiro e 19 de febreiro, de dous mil un, para as 10.30 horas, e tendo cesado o secretario titular deste xulgado, como queira que o próximo día oito de xaneiro están sinalados xuízos no Xulgado do Social número dous de Santiago de Compostela, e non podendo realizarse ámbolos actos (xuízos e poxa) por coincidir cronoloxicamente, dado que o secretario do Xulgado do Social número dous se fixo cargo das dúas secretarías, acórdase a suspensión da presente poxa, sen prexuízo de novo sinalamento. Notifíquese a presente resolución coa publicación do correspondente edicto no DOG. Mándao e asínao, do que dou fe, a maxistrada xuíza Mª Fe López
Juíz. O secretario Camilo José García-Puertas Magariños. Asinados e rubricados».
E para que conste, e para os debidos efectos de publicación e coñecemento xeral, insírese esta cédula no Diario Oficial de Galicia.
En Santiago de Compostela, 18 de decembro de 2000.
O secretario por substitución
Rubricado