O Concello da Merca solicitou a cesión por parte da Xunta de Galicia de varios treitos da antiga estrada N-540 (Lugo-Portugal por Ourense) comprendido no termo municipal e que quedan fóra do novo trazado da estrada referida logo das obras de mellora e ampliación nela efectuadas.
Conforme o sinalado nos artigos 4 e 5 da Lei 4/1994, do 14 de setembro, de estradas de Galicia, por proposta do conselleiro de Política Territorial, Obras Públicas e Vivenda e logo de acordo entre as administracións afectadas e logo de deliberación do Consello da Xunta de Galicia na súa reunión do día dezaoito de xaneiro de dous mil un,
DISPOÑO:
Artigo 1º
Apróbase o cambio de titularidade, a prol do Concello da Merca dos seguintes treitos correspondentes á modificación do trazado da estrada N-540 (Lugo-Portugal por Ourense, treito: Ourense-Celanova):
*Variante Manchica-gasolineira:
A antiga estrada N-540 discorre nunha lonxitude de 305 metros.
O treito enlaza coa actual N-540 nos p.k. 14,500 e 14,700 da marxe dereita.
*Variante de Nigueiroá:
A antiga estrada N-540 discorre nunha lonxitude de 180 metros.
O treito enlaza coa actual N-540 nos p.k. 12,200 e 12,300 da marxe esquerda.
*Variantes en Parderrubias:
A antiga estrada N-540 discorre nunha lonxitude de 155 e 90 metros (marxe dereita e esquerda respectivamente).
O treito enlaza coa actual N-540 nos p.k. 13,700 e 13,900.
*Variante de Manchica-travesía:
A antiga estrada N-540 discorre nunha lonxitude de 170 metros.
O treito enlaza coa actual N-540 nos p.k. 14,900 e 15,050 da marxe esquerda.
*Variante de Parderrubias:
A antiga estrada N-540 discorre nuhna lonxitude de 225 metros.
O treito enlaza coa actual N-540 nos p.k. 13,400 e 13,600 da marxe dereita.
Artigo 2º
Corresponderalle ó Concello da Merca a xestión, mantemento, conservación e explotación das vías cedidas.
Disposición derradeira
O presente decreto entrará en vigor o día seguinte ó da súa publicación no Diario Oficial de Galicia.
Santiago de Compostela, dezaoito de xaneiro de dous mil un.
Manuel Fraga Iribarne
Presidente
José Cuíña Crespo
Conselleiro de Política Territorial, Obras Públicas
e Vivenda