O Pleno do Concello, en sesión do 9-1-2001, aprobou inicialmente a modificación puntual das normas
subsidiarias municipais de planeamento no soar situado entre as rúas Álvaro Cunqueiro, rúa da Fábrica e dúas rúas máis do planeamento, nas Pontes de García Rodríguez, que ten por obxecto o cambio da ordenanza actual, de quinteiro cerrado por outra de vivenda unifamiliar en liña ou adosada. Durante o prazo dun mes, contado a partir do día seguinte ó da publicación deste anuncio no Diario Oficial de Galicia, o expediente, que se somete a información pública, estará de manifesto na secretaría do concello á disposición dos interesados.
A suspensión automática do outorgamento de licencias para tódolos usos e obras incompatibles coa ordenación proxectada (artigo 34.2º LSG) limítase ó soar afectado.
As Pontes de García Rodríguez, 11 de xaneiro de 2001.
Víctor Guerreiro Pena
Alcalde