Sométese ó trámite de información pública a II modificación do proxecto de compensación da U.E. Fraga presentado pola xunta de compensación, polo prazo de vinte días, mediante inserción de anuncio no DOG, segundo o establecido no artigo 102 da Lei 1/1997, do 24 de marzo, do solo de Galicia.
Signifícase que o prazo de exposición pública se entenderá aberto desde a data de publicación do devandito anuncio.
A documentación atópase na oficina de información pública da Xerencia Municipal de Urbanismo sita na planta baixa da xerencia.
O presente anuncio servirá de notificación nos termos do artigo 59.4º da Lei de réxime xurídico das administracións públicas e do procedemento administrativo común para tódolos propietarios e interesados directamente afectados que, por resultaren descoñecidos ou ignorándose o seu domicilio, non poidan ser notificados persoalmente.
Vigo, 21 de decembro de 2000.
Lois Pérez Castrillo
Alcalde-presidente da Xerencia Municipal
de Urbanismo