Advertidos erros na citada orde, publicada no Diario Oficial de Galicia nº 3, do 4 de xaneiro de 2001, cómpre face-las seguintes correccións:
a) Na páxina 132, no artigo 7º.2 parágrafos 2º e 3º onde di: «Entenderanse estimadas as peticións cando non recaese resolución expresa no prazo establecido para dictalas.
No caso de se producir resolución estimatoria pero, por falta de dispoñibilidade orzamentaria, non puidese concederse a axuda nese momento, o beneficiario pasará a formar parte dunha lista de espera.»; deberá dicir: «Entenderanse desestimadas as peticións cando non recaese resolución expresa no prazo establecido para dictalas.
No caso de que por falta de dispoñibilidade orzamentaria non puidese concederse a axuda nese momento, o beneficiario pasará a formar parte dunha lista de espera.».
b) Na páxina 132, no artigo 7º.3 onde di: «3. No caso de producírense baixas debidamente acreditadas, procederase á súa cobertura concedendo novamente as axudas ás persoas que máis o necesiten dentro daquelas ás que lles fose denegada con base nesta convocatoria por insuficiencia orzamentaria, e producirá efecto o día primeiro do mes seguinte
ó da súa concesión»; deberá dicir: «3. No caso de producírense baixas debidamente acreditadas procederase á súa cobertura concedendo novamente as axudas ás persoas que máis o necesiten dentro daquelas que figuren en lista de espera, en función das prioridades fixadas nesta orde, producindo efecto desde o día primeiro do mes seguinte ó da súa concesión».