Resolución do Concello de Ramirás pola que se anuncia a contratación da obra da 2ª fase de rehabilitación do antigo convento de San Pedro para residencia de persoas maiores, por procedemento aberto e concurso.
De conformidade co disposto no artigo 79 da LCAP, anúnciase concurso, polo procedemento aberto, para adxudica-la obra 2ª fase de rehabilitación do antigo convento de San Pedro para residencia de persoas maiores, conforme o seguinte contido:
1. Obxecto do contrato. Obra: segunda fase de rehabilitación do antigo convento de San Pedro para residencia de persoas maiores, segundo proxecto dos arquitectos Alberto de Paula Prieto e Aurelio Outeiriño Fernández, aprobado pola Comisión de Goberno do 21 de decembro de 2000.
2. Duración do contrato: oito meses.
3. Tipo de licitación: 30.500.000 ptas.
4. Pagamento: o pagamento do prezo de adxudicación farase efectivo con cargo á partida do orzamento vixente.
5. Publicidade dos pregos: estarán de manifesto tódolos días hábiles nas oficinas municipais.
6. Garantía provisional: será do 2% do tipo de licitación, equivalente a 610.000 pesetas.
7. Exposición do prego de cláusulas administrativas particulares: durante os oito primeiros días hábiles seguintes ó da publicación deste anuncio, suspendéndose a licitación en caso de impugnación.
8. Garantía definitiva: o 4% do orzamento de adxudicación.
9. Presentación de proposicións: ata as trece horas do décimo terceiro día hábil natural seguinte contado desde a derradeira das datas de publicación do anuncio no BOP de Ourense ou ben no Diario Oficial de Galicia.
10. Apertura das proposicións: ás dezasete horas do segundo día hábil (agás sábado) seguinte a aquel no que remate o prazo para a presentación de proposicións, en acto público, no salón de sesións da casa do concello.
11. Modelo de proposición: o recollido na cláusula 17 do prego.
Ramirás, 2 de xaneiro de 2001.
Pilar López García
Alcaldesa