De acordo coas bases específicas publicadas no BOP da Coruña número 128, do 6 de xuño de 1998, e mediante anuncio publicado no Boletín Oficial del Estado número 206, do 28 de agosto, e no Diario Oficial de Galicia número 170, do 2 de setembro, ámbolos dous do mesmo ano 1998, convocáronse para a súa provisión, polo procedemento de concurso interno entre o persoal do concello, diversos postos de traballo vacantes, entre eles o de 2º director e xestor da banda municipal de música.
Previa a tramitación prevista no capítulo III do Decreto 93/1991, da Xunta de Galicia, do 20 de marzo (DOG do 25 de marzo) coa aplicación supletoria do Real decreto 364/1995, do 10 de marzo (BOE do 10 de abril) e de conformidade co disposto no artigo 20.1º c) da Lei 30/1984, do 2 de agosto, esta alcaldía, por Resolución do 1 de decembro de 2000 resolveu a citada convocatoria no que atinxe os citados postos de traballo, nomeando os funcionarios que se indican no anexo, que deberán tomar posesión dos novos destinos consonte o establecido no artigo 14 do Decreto 93/1991.
Santiago de Compostela, 12 de decembro de 2000.
O alcalde
Rubricado
ANEXO
Apelidos e nome: Mouriño Maquieira, Casiano. DNI: 76.811.501-B. Grupo: B. Corpo ou escala: especial. Posto de traballo: 2º director da banda municipal de música. Nivel: 20 B.
Apelidos e nome: Seráns Olveira, Carlos. DNI: 76.517.333-J. Grupo: B. Corpo ou escala: especial. Posto de traballo: xestor da banda municipal de música. Nivel: 20 B.
O que se publica para o seu coñecemento e efectos.