O artigo 6 do Decreto 294/1992, do 10 de setembro, modificado polo Decreto 1/1995, do 12 de xaneiro (DOG nº 9, do 13 de xaneiro) e 319/1996, do 26 de xullo (DOG nº 153, do de outubro) polo que se regula o diploma de directivo, establece que a comisión que efectúa a selección dos aspirantes a participar no curso para a obtención do citado diploma estará integrada, entre outros membros, por un profesor das universidades de Galicia e por un funcionario que estea en posesión do diploma de directivo. En virtude do anterior,

DISPOÑO:

Artigo único.-Designar como vocais da comisión que levará a cabo a selección dos participantes nos dous cursos para a obtención do diploma de directivo, convocados mediante resolución do director da Escola Galega de Administración Pública do 16 de novembro de 2000, as seguintes persoas:

-Victoria de Dios Viéitez, profesora titular de dereito administrativo da Universidade da Coruña.

-José Ramón Pardo Cabarcos, secretario xeral da EGAP.

Santiago de Compostela, 19 de xaneiro de 2001.

Domingo Bello Janeiro

Director da Escola Galega de Administración

Pública