Por Orde do 20 de xullo de 2000 (DOG do 4 de agosto), convócanse axudas para realizar ensinanzas de formación profesional específica de grao medio en familias profesionais con escasa demanda por parte do alumnado durante o curso 2000-2001. Esta orde modifícase pola Orde do 4 de decembro de 2000 (DOG do 19 de decembro).

Vista a proposta da comisión de selección prevista no punto noveno da devandita Orde do 20 de xullo

RESOLVO:

Primeiro.-Conceder, con cargo ó concepto orzamentario 07.04.322S.481.0, da Dirección Xeral de Ordenación Educativa e Formación Profesional, unha axuda económica de importe 60.000 pesetas a cada un dos alumnos que se relacionan no anexo I. O importe total das axudas concedidas é de 29.160.000 pesetas.

Segundo.-Denegar, por presentarse fóra de prazo, as solicitudes que se relacionan no anexo II.

Terceiro.-De conformidade co punto décimo cuarto da Orde do 20 de xullo, anteriormente sinalada, o alumno deberá remitir á Dirección Xeral de Ordenación Educativa e Formación Profesional a seguinte documentación:

-O anexo II da Orde do 20 de xullo, relativo á aceptación previa da subvención concedida e o compromiso de segui-las avaliacións continuas durante o curso para o que se lle concede a subvención.

-Unha certificación respecto da percepción ou non doutras axudas e subvencións para a mesma finalidade, para efectos do disposto no artigo 6 da Lei 8/1999, do 30 de decembro, de medidas fiscais e orzamentarias e de función pública e actuación administrativa (DOG do 31 de decembro).

Cuarto.-O prazo de presentación da documentación referida no punto anterior será de quince días naturais contados a partir do día seguinte ó da publicación da presente resolución no Diario Oficial de Galicia.

Quinto.-Contra a presente resolución os interesados poderán interpoñer recurso de alzada perante o conselleiro de Educación e Ordenación Universitaria no prazo dun mes contado a partir do día seguinte ó da súa publicación no Diario Oficial de Galicia, segundo o disposto nos artigos 114 e 115 da Lei 4/1999, de modificación da Lei 30/1992,

de réxime xurídico das administracións públicas e do procedemento administrativo común.

Santiago de Compostela, 27 de decembro de 2000.

Mª Pilar del Mar Pérez Marsó

Directora xeral de Ordenación Educativa

e Formación Profesional

ANEXO I

ANEXO II