O Pleno do Concello de Vigo, en sesión do día 27 de novembro de 2000, adoptou o seguinte acordo:

Primeiro.-Aprobar definitivamente o estudio de detalle para a fixación de aliñacións interiores e tapado de medianeiras para o soar sito entre a avenida da Florida, 19, e a rúa Médico José Mato, 4-6 (expediente 5961/411) presentado pola entidade Otero y López Promociones, S.L., redactado polo arquitecto José Herrero García e visado polo COAG o 19 de maio de 2000.

Segundo.-Proceder á publicación deste acordo de aprobación definitiva no Diario Oficial de Galicia e BOP, segundo o artigo 48 da Lei 1/1997, do 24 de marzo, do solo de Galicia, e a súa notificación persoal ós propietarios afectados.

Contra o devandito acordo, que pon fin á vía administrativa, poderá interpoñerse recurso contencioso-administrativo no prazo de dous meses contado desde o día seguinte da publicación deste anuncio.

Así mesmo, o presente anuncio servirá de notificación nos termos previstos no artigo 59 da Lei de réxime xurídico das administracións públicas e

do procedemento administrativo común, para todos aqueles propietarios que sexan descoñecidos, dos que se ignore o lugar de notificación ou, intentada esta, non se puidese practicar.

Vigo, 14 de decembro de 2000.

Lois Pérez Castrillo

Alcalde-presidente da Xerencia Municipal

de Urbanismo