A Xerencia Xeral do Complexo Hospitalario de Pontevedra, en virtude das atribucións que lle foron delegadas conforme o establecido na Orde do 23 de marzo de 2000 (Diario Oficial de Galicia nº 103, do 29 de maio) da Consellería de Sanidade e Servicios Sociais, sobre delegación de competencias no xerente xeral do Complexo Hospitalario de Pontevedra, e coa autorización expresa prevista nesa regulamentación, resolve convoca-lo concurso público nº 001/2001 polo procedemento aberto seguinte:
1. Nome e enderezo do servicio: Servicio Galego de Saúde. Complexo Hospitalario de Pontevedra. Hospital Montecelo. Unidade de Contratación Administrativa. Planta 5ª r/ Mourente, s/n. 36071 Pontevedra. Teléfono nº 986 80 00 00 (ext. 344 e 345). fax nº 986 80 00 01.
2. Categoría do servicio e descrición:
a) Categoría: 14.
b) Descrición: servicio de limpeza das unidades hospitalarias do Complexo Hospitalario de Pontevedra.
c) Orzamento total máximo: novecentos trinta e seis millóns (936.000.000) de pesetas, 5.625.473,30 euros, imposto valor engadido incluído, para o período de dous anos e rateado, se é o caso, ó período menor en que efectivamente se preste o servicio.
3. Lugar de execución: Complexo Hospitalario de Pontevedra. Centros: hospitais Montecelo e Provincial.
4. a) Posibilidade de que, conforme normas legais, regulamentarias ou administrativas, se reserve a prestación do servicio a unha determinada profesión: non.
b) Referencia á dita norma legal, regulamentaria ou administrativa:
c) Posibilidade de que as persoas xurídicas deban indica-los nomes e a cualificación profesional do persoal responsable da execución do servicio: si.
5. Posibilidade de que os prestadores de servicios liciten para unha parte dos servicios de que se trate: non procede.
6. Prohibición de variantes: non se admiten variantes.
7. Duración do contrato e prazo para realiza-lo servicio: desde a formalización do contrato ata o 31 de decembro de 2002, aínda que poderá ser obxecto de prórroga nos termos e condicións establecidos no artigo 198 do Real decreto lexislativo 2/2000 (en diante TRLCAP), do 16 de xuño, polo que se aproba o texto refundido da Lei de contratos das administracións públicas.
8. a) Nome e enderezo do servicio ó que pode solicitarse a documentación pertinente: o que figura no punto 1, en días laborables, agás sábados, desde as 9 ata as 14 horas.
b) Prazo para efectua-la dita solicitude: 5 de febreiro de 2001.
c) Gastos de obtención dos ditos documentos e modalidades de pagamento: non.
9. a) Data límite de recepción de ofertas: 12 de febreiro de 2001.
b) Persoas admitidas para asistiren á apertura de plicas: apertura en acto público.
c) Lugar, data e hora desta apertura: na sala de xuntas de consultas externas do Hospital Montecelo de Pontevedra, a partir das 10 horas do día 23 de febreiro de 2001.
10. Garantías esixidas:
a) Provisional: o dous por cento do orzamento.
b) Definitiva: o catro por cento da adxudicación.
Constituirase segundo o disposto nos artigos 35 e 36, respectivamente, do TRLCAP, cos requisitos esixidos nos artigos 15 a 18 do Real decreto 390/1996, do 1 de marzo.
11. Modalidades básicas de financiamento e de pagamento e/ou referencias ás disposicións pertinentes: mensual, pagamentos en conta mediante transferencia bancaria, unha vez recibido o servicio e conforme o disposto no artigo 99 do TRLCAP.
12. Se é o caso, forma xurídica que deberá adopta-la unión de empresas adxudicataria do contrato: nos termos previstos no artigo 24 do TRLCAP.
13. a) Datos referentes á situación do prestador de servicios e datos e formalidades necesarias para avalia-las condicións mínimas de carácter económico e técnico ás que deberá axustarse o prestador de servicios: as condicións que se establecen no punto 9 do prego de cláusulas administrativas particulares.
b) Clasificación económica: grupo III, subgrupo 6, categoría D.
14. Prazo durante o cal o licitador está obrigado a mante-la súa oferta: durante 3 meses, desde a data de apertura das proposicións económicas.
15. Criterios que se utilizarán para a adxudicación do contrato por orde de importancia:
Calidade técnica: programa de traballos e oferta técnica: 40 puntos.
Oferta económica: 40 puntos.
Formación do persoal. Programa de formación proposto: 10 puntos.
Innovacións. Actualizacións e achega de melloras: 10 puntos.
16. Información complementaria: ver servicio indicado no punto 1.
17. Data de envío do anuncio ó Diario Oficial das Comunidades Europeas: 22 de decembro de 2000.
18. Data de recepción do anuncio pola Oficina de Publicacións Oficiais das Comunidades Europeas (reservado á OPOCE).
Pontevedra, 14 de decembro de 2000.
Pedro Soler Bordoy
Xerente xeral do Complexo Hospitalario de Pontevedra