Pablo González-Carrero Fojón, maxistrado-xuíz do Xulgado de Primeira Instancia número nove da Coru

ña, fai público: neste xulgado do meu cargo, tramítase expediente de declaración de herdeiros ab intestato co número 48/2000-S, por instancia do letrado da Xunta de Galicia, actuando en representación desta Comunidade Autónoma, no que se reclama para a Xunta de Galicia a herdanza da causante María Asorey Pedrosa, nacida en Vila de Cruces (Pontevedra) o oito de febreiro de mil novecentos dezaseis, co último domicilio na Coruña, r/ San Pedro de Visma, nº 4, a cal faleceu nesta localidade o dezasete de setembro de mil novecentos noventa e oito, en estado de viúva de Perfecto López Sagade, sen herdeiros e sen ter outorgado testamento, e descoñecéndose a existencia de parentes.

De conformidade co previsto no artigo 984 da LAC, por resolución desta data acordouse publicar edictos, chamando a quen se crea con igual ou mellor dereito que a Xunta de Galicia, para que comparezan no xulgado a reclamalo dentro de 30 días seguintes á publicación de tales edictos.

Dado na Coruña, vinteseis de outubro de dous mil.

O maxistrado-xuíz

Rubricado