A Xunta de Compensación do polígono H9.10 (rúa da Mercé) do concello da Coruña acordou, en sesión do día 3 de xaneiro de 2001, aprobar inicialmente o proxecto de compensación do polígono H9.10, o cal deberá ser sometido a información pública polo prazo de vinte días desde a publicación deste anuncio, mediante notificación persoal ós propietarios con domicilio coñecido e publicación do correspondente anuncio no Diario Oficial de Galicia, en cumprimento do disposto no artigo 102.4º da Lei 1/1997, do solo de Galicia.
O expediente completo atópase exposto no Departamento de Urbanismo do Concello da Coruña (Casa Paredes, avda. da Mariña, s/n) e na sede da propia Xunta de Compensación, sita na avda. da Pasaxe, 45-baixo, urbanización Casablanca, da Coruña, onde se poderán presenta-las alegacións correspondentes.
A Coruña, 11 de xaneiro de 2001.
José Antonio Lois Fernández
Secretario