Por Resolución do 23 de novembro de 2000 (DOG nº 233, do 1 de decembro) apróbase a resolución provisional do concurso de traslados para a cobertura de postos de traballo de persoal sanitario funcionario incluído baixo o ámbito de aplicación da Lei 17/1989, do 23 de outubro, de creación de escalas do persoal sanitario funcionario ó servicio da Comunidade Autónoma, convocado por Resolución do 3 de agosto de 2000 (DOG nº 171, do 4 de setembro).

Transcorrido o prazo de dez días naturais contados a partir do seguinte ó da publicación da dita resolución provisional, e vista a proposta da Comisión de Valoración sobre as reclamacións presentadas contra esta, este centro directivo

ACORDA:

Primeiro.-Declarar resolto definitivamente o concurso de traslados para a cobertura de postos de traballo de persoal sanitario funcionario incluído baixo o ámbito de aplicación da Lei 17/1989, do 23 de outubro, de creación de escalas do persoal sanitario funcionario ó servicio da Comunidade Autónoma, convocado por Resolución do 3 de agosto de 2000 (DOG nº 171, do 4 de setembro), adxudicándolles ós participantes a puntuación definitiva acadada segundo corresponda a cada nivel do posto ou postos solicitados e, se é o caso, o destino definitivo, que aparecen reflectidos no anexo I desta resolución.

De conformidade coa base sexta da convocatoria, as reclamacións presentadas entenderanse estimadas, de se-lo caso, ou desestimadas nesta resolución definitiva do concurso.

Segundo.-Incluír tamén nesta resolución definitiva a adxudicación do oportuno posto de traballo que corresponda pola participación directa na fase de resultas, de conformidade coa base oitava da convocatoria, reflectido no anexo II.

Terceiro.-O cesamento no seu actual destino do persoal afectado producirase no prazo de tres días hábiles contados desde o seguinte ó da publicación desta resolución.

O prazo para tomar posesión do novo destino será de tres días hábiles se o posto de traballo se atopa na mesma localidade, ou dun mes se radica en localidade distinta. Estes prazos comezarán a contarse a partir do día seguinte hábil ó do cesamento.

Cuarto.-Contra esta resolución, que pon fin á vía administrativa, poderase interpoñer recurso contencioso-administrativo ante o xulgado competente, no prazo de dous meses, contados a partir da súa publicación no Diario Oficial de Galicia. Potestativamen

te, no prazo dun mes, poderá interpoñerse recurso de reposición ante este centro directivo.

Santiago de Compostela, 27 de decembro de 2000.

Valeriano Martínez García

Director xeral da División de Recursos Humanos

ANEXO I

Lista definitiva de puntuacións e adxudicación de postos

ANEXO II

Lista definitiva de adxudicación de postos por resultas