O Pleno da Corporación, na súa sesión de 10 de novembro de 2000, acordou aprobar definitivamente o estudio de detalle para reaxuste de aliñacións sito no novo vial entre a rúa Manuel Cordo Boullosa e a rúa González Besada de Ponte Caldelas, conforme o proxecto presentado por Promociones Caldelas, S.A., e redactado pola arquitecta Teresa Taboas Veleiro, consonte o informe e demais documentación que consta no expediente administrativo e nos mesmos termos da súa aprobación inicial.
O presente anuncio servirá de notificación nos termos do artigo 59 da Lei de réxime xurídico das administracións públicas e do procedemento administrativo común para tódolos propietarios e interesados directamente afectados que, por resultaren descoñecidos ou ignorando o seu enderezo, non puideran ser notificados personalmente.
Contra o acordo de aprobación definitiva, poderase interpoñer directamente recurso contencioso-administrativo ante o Tribunal Superior de Xustiza de Galicia no prazo de dous meses, contados a partir do día seguinte ó da publicación deste anuncio; alternativamente, poderá interpoñerse recurso potestativo de reposición ante o Pleno da Corporación no prazo dun mes, contado desde a mesma data.
Ponte Caldelas, 4 de decembro de 2000.
Fidel Rodríguez Toubes
Alcalde