Convocadas a provisión as prazas dos corpos docentes universitarios que se relacionan no anexo e dándolle cumprimento ó disposto no artigo 6 do Real decreto 1888/1984, do 26 de setembro (BOE do 26 de outubro), no artigo 1 do Real decreto 1427/1986, do 13 de xuño (BOE do 11 de xullo) e no artigo 17, e) do Real decreto 552/1985, do 2 de abril (BOE do 27).
Esta secretaría xeral resolveu sinala-la celebración dos sorteos correspondentes ás prazas sinaladas no citado anexo, co fin de designa-los membros das comisións que deben ser elixidos por este proce
demento, para o día 17 de xaneiro de 2001, ás dez horas. Os sorteos realizaranse polo sistema informático aprobado pola Comisión Académica do Consello de Universidades na súa sesión do 14 de xullo de 1995, de modo secuencial, segundo a orde en que figuran relacionados no anexo citado.
Os ditos sorteos celebraranse na sede do Consello de Universidades (Cidade Universitaria, sen número, 28040 Madrid).
Para os efectos previstos no artigo 1 do Real decreto 1888/1984, do 26 de setembro, a partir da data da presente resolución faranse públicas as relacións dos profesores que participarán nos sorteos no Consello de Universidades.
Das citadas relacións e no momento do sorteo serán excluídos aqueles profesores que:
-Pertenzan á mesma universidade á que corresponda a praza.
-Fosen designados para formar parte da comisión titular pola universidade á que corresponda a praza.
-Sexan aspirantes e pertenzan á mesma área de coñecemento á que corresponda a praza.
As reclamacións contra as referidas relacións formularanse antes do día 12 de xaneiro de 2001, dirixidas á Secretaría Xeral do Consello de Universidades (Cidade Universitaria, sen número, 28040 Madrid).
Nos concursos nos que non existan profesores abondos do corpo e área de coñecemento a que corresponda a praza, aplicarase o disposto no artigo 1 do Real decreto 1427/1986, do 13 de xuño, que modifica o artigo 6.9º do Real decreto 1888/1984, do 26 de setembro.
O que lle comunico a V.I. para o seu coñecemento e efectos.
Madrid, 19 de decembro de 2000.
Vicente Ortega Castro
Secretario xeral do Consello de Universidades
Vicesecretario xeral do Consello de Universidades
ANEXO
UNIVERSIDADE DA CORUÑA
* Concursos convocados por resolución da universidade da Coruña 1-8-2000 (BOE do 22 de agosto).
Concurso nº: 35.
Nº sorteo: 42.128.
Corpo: catedráticos de universidade.
Área de coñecemento: dereito civil.
Presidenta titular: M. del Carmen Gómez Laplaza.
Vocal secretario titular: Ángel Luis Rebolledo Varela.
Concurso nº: 39.
Nº sorteo: 42.129.
Corpo: profesores titulares de universidade.
Área de coñecemento: matemática aplicada.
Presidente titular: Manuel Casteleiro Maldonado.
Vocal secretaria titular: Rosa María Fernández Esteller.
Concurso nº: 42.
Nº sorteo: 42.130.
Corpo: profesores titulares de universidade.
Área de coñecemento: ciencia da computación e intelixencia artificial.
Presidente titular: Alejandro C. Pazos Sierra.
Vocal secretario titular: Juan Manuel Ares Casal.
