A Xerencia de Atención Primaria de Pontevedra-Vigo, en virtude das competencias que ten atribuídas na orde da Consellería de Sanidade e Servicios Sociais do 21 de abril de 1998 (DOG nº 88, do 11 de maio), sobre delegación de competencias en órganos centrais e periféricos do Servicio Galego de Saúde, modificada pola Orde do 23 de marzo de 2000 (DOG nº 104, do 30 de maio), e coa autorización expresa prevista nesa mesma norma, unha vez cumpridos os trámites administrativos correspondentes, resolve anuncia-la licitación que a continuación se cita:

1. Nome, enderezo, números de teléfono e fax do órgano de contratación: Xerencia de Atención Primaria de Pontevedra-Vigo; rúa México, nº 26, 36204 Vigo. Teléfono: 986 81 64 60-81 64 66. Fax: 986 81 64 71.

2. Categoría do servicio e descrición. Número de referencia da CCP.

Servicio de limpeza dos centros dependentes desta xerencia (área norte e área sur), C.P. 1/2001. Orzamento total: 381.360.000 pesetas (2.292.019,76 euros), importe correspondente ós 2 anos de vixencia do contrato e ás duas áreas.

3. Lugar de execución: tódolos centros dependentes desta xerencia que aparecen relacionados no expediente.

4. a) Posibilidade de que, de acordo coas normas legais, regulamentarias ou administrativas, se reserve a prestación do servicio a unha determinada profesión: ver prego de cláusulas administrativas particulares.

b) Referencia á dita norma legal, regulamentaria ou administrativa: ver prego de cláusulas administrativas particulares.

c) Posibilidade de que as persoas xurídicas deban indica-los nomes e a cualificación profesional do persoal responsable da execución do servicio: ver prego de cláusulas administrativas particulares.

5. Posibilidade de que os prestadores de servicios liciten para unha parte dos servicios dos que se trate: existe a posibilidade de ofertar á totalidade ou ós dous lotes establecidos.

6. Se é o caso, prohibición de variantes: non se admiten variantes.

7. Duración do contrato ou prazo para realiza-lo servicio: dous anos desde a súa sinatura.

8. a) Nome e enderezo do servicio onde pode ser solicitada a documentación pertinente: Departamento de Contratación Administrativa; rúa México, nº 26, 1ª planta, 36204 Vigo.

b) Data límite para a recepción de ofertas: 1 de febreiro de 2001.

c) Sé e o caso, gastos de obtención dos ditos documentos e modalidades de pagamento: ningún.

9. a) Persoas admitidas para asistir á apertura de plicas: apertura en acto público.

b) Lugar, data e hora da dita apertura: sala de xuntas da Xerencia de Atención Primaria de Pontevedra-Vigo; rúa México, 26-6ª planta, 36204 Vigo, ás 9 horas do sétimo día natural contado desde o último día no que remate o prazo de presentación de ofertas. No caso de que o dito día coincida en sábado ou festivo, a apertura das proposicións terá lugar o primeiro día hábil seguinte.

10. Garantías esixidas.

Provisional: 2% do orzamento máximo de licitación.

Definitiva: 4% do orzamento de adxudicación.

11. Modalidades básicas de financiamento e pagamento e/ou referencias ás disposicións pertinentes: pagamentos en conta mediante transferencia, con periodicidade mensual.

12. Se é o caso, forma xurídica que deberá adopta-la unión de empresas adxudicatarias do contrato: ver prego de cláusulas administrativas particulares.

13. Datos referentes á situación do prestador de servicios e datos e formalidades necesarias para a avaliación das condicións mínimas de carácter económico e técnico ás que deberá axustarse o prestador de servicios: ver prego de cláusulas administrativas particulares.

14. Prazo durante o que o licitador está obrigado a mante-la súa oferta: tres meses desde a data da apertura das proposicións económicas.

15. Criterios que se empregan para a adxudicación do contrato e, se é posible, orde de importancia: ver prego de cláusulas administrativas particulares.

16. Información complementaria: tódolos gastos que orixine a publicación dos anuncios deste concurso serán por conta do seu adxudicatario.

17. Data de envío do anuncio: 11 de decembro de 2000.

18. Data de recepción do anuncio pola Oficina de Publicacións Oficiais das Comunidades Europeas (reservado á OPOCE).

Vigo, 24 de novembro de 2000.

Ángel Martín Santos

Director xerente de Atención Primaria

de Pontevedra-Vigo