A Orde do 13 de febreiro de 1998 (DOG nº 46, do 9 de marzo), a Orde do 24 de xullo de 1998 (DOG nº 184, do 22 de setembro), a Orde do 23 de setembro de 1998 (DOG nº 200, do 15 de outubro), a Orde do 24 de maio de 1999 (DOG nº 105, do 3 de xuño), a Orde do 24 de novembro de 1999 (DOG nº 231, do 30 de novembro), a Orde do 17 de febreiro de 2000 (DOG nº 41, do 29 de febreiro), a Orde do 27 de outubro de 2000 (DOG nº 217, do novembro) polas que se convocan bolsas de colaboración en proxectos de investigación que se desenvolven no Centro Ramón Piñeiro para a Investigación en Humanidades, prevén na súa base terceira e na cuarta para a última orde, a concesión de prórrogas ós bolseiros que presten a súa colaboración nalgún dos proxectos de investigación que se están realizando no centro.

A teor do sinalado na Orde do 11 de febreiro de 1998, sobre tramitación anticipada de expediente do gasto, o gasto que se proxecta está condicionado á existencia do crédito adecuado e suficiente no proxecto de orzamentos do exercicio do ano 2001, en trámite parlamentario.

Na súa virtude e de acordo co establecido no parágrafo terceiro da base terceira das citadas ordes e na cuarta para a Orde do 27 de outubro de 2000, esta consellería

RESOLVE:

Primeiro.-Concédeselles prórroga para desfrutar da bolsa para a colaboración en proxectos de investigación para desenvolver no Centro Ramón Piñeiro ata o 30 de abril de 2001, ás persoas que se relacionan no anexo I á presente orde; concédeselles prórroga da bolsa ata o 14 de novembro do 2001, ás persoas que se relacionan no anexo II á presente orde; concédeselle prórroga da bolsa ata o 23 de

novembro de 2001, á persoa que se relaciona no anexo III e concédeselles prórroga da bolsa ata o 31 de decembro de 2001, ás persoas que se relacionan no anexo IV á presente orde. Os efectos desta resolución quedan condicionados ata a aprobación do crédito que vaia ampara-lo gasto, de conformidade coa orde anteriormente citada, do 2 de febreiro de 1998.

Segundo.-A contía da bolsa durante o período de prórroga será de 122.000 ptas. mensuais, segundo o establecido na base segunda das citadas ordes e na terceira para a Orde do 27 de outubro de 2000.

Terceiro.-Contra esta disposición, que pon fin á vía administrativa, poderase interpoñer recurso potestativo de reposición ante o mesmo órgano que resolveu, no prazo dun mes contado a partir do día seguinte ó da notificación desta resolución, ou directamente o recurso contencioso-administrativo ante a Sala do Contencioso-Administrativo do Tribunal Superior de Xustiza de Galicia, no prazo de dous meses contados a partir do día seguinte ó da notificación desta disposición. En todo caso, non se poderá interpoñer recurso contencioso-administrativo ata que sexa resolto expresamente ou se producise a desestimación presunta do recurso de reposición.

Disposición derradeira

A presente orde entrará en vigor o mesmo día da súa publicación no Diario Oficial de Galicia.

Santiago de Compostela, 2 de xaneiro de 2001.

Celso Currás Fernández

Conselleiro de Educación e Ordenación

Universitaria

ANEXO I

ANEXO II

ANEXO III

ANEXO IV