En cumprimento do establecido na Lei de Galicia 10/1996, do 5 de novembro, de actuación de entes e empresas nas que ten participación maioritaria a Xunta de Galicia, en materia de persoal e contratación, e de conformidade co acordo adoptado polo padroado da Fundación para o Desenvolvemento da Comarca de Chantada o día 5 de abril de 2000, convócanse probas de selección para cubrir, baixo a modalidade de contratación indefinida, unha praza de xerente para facerse cargo da xestión da dita fundación.
As condicións específicas do contrato de traballo, así como as funcións que realizará o xerente da fundación, estarán ó dispor dos interesados na sede da Sociedade para o Desenvolvemento Comarcal de Galicia, en diante SDC, sita na estrada Santiago-Noia Km 3. A Barcia (Santiago de Compostela). Teléfono: 981 54 26 08.
I. Requisitos xerais.
-Ter nacionalidade dun país membro da Unión Europea.
-Ser maior de 18 anos.
-Acreditar titulación universitaria de grao superior.
-Acreditar formación e/ou experiencia profesional en tarefas relacionadas co desenvolvemento local.
II. Coñecementos que se requiren.
a) Coñecementos específicos:
-As regulacións e normativas legais que afectan o modelo de desenvolvemento comarcal.
-Metodoloxías e planificación estratéxica do desenvolvemento comarcal.
-Xestión e coñecemento de programas de desenvolvemento local e creación de emprego.
-Xestión e administración de fundacións de interese galego e de institucións sen finalidade de lucro.
-Estructura social e económica da comarca de Chantada.
b) Coñecementos complementarios:
-Acredita-lo coñecemento da lingua galega.
-Posuír e acredita-lo coñecemento de informática a nivel usuario.
III. Documentación que hai que presentar.
-Fotocopia DNI.
-Currículum vitae xunto coa documentación orixinal ou fotocopia compulsada que acredite a titulación requirida, os coñecementos, os méritos e experiencia profesional.
-Solicitude dirixida ó presidente da fundación, segundo o modelo do anexo I.
IV. Lugar e prazo de presentación.
-As solicitudes presentaranse nas dependencias da Sociedade Anónima para o Desenvolvemento Comarcal de Galicia, situada na estrada Santiago-Noia, Km 3. A Barcia. 15896 Santiago de Compostela.
-O prazo de presentación será de 20 días naturais contados a partir do día seguinte ó da publicación destas bases no Diario Oficial de Galicia.
V. Comisión de selección.
A comisión de selección estará formada polos seguintes membros:
Presidente.
Titular: Andrés Precedo Ledo, presidente do Padroado da fundación.
Suplente: José María Moraleja Alonso, delegado provincial da Consellería da Presidencia e Administración Pública en Lugo.
Secretario.
Titular: Milagros Vázquez Tenorio, técnico xurídico da SDC.
Suplente: Evaristo García Canosa, coordinador técnico de Actividades Comarcais da SDC.
Vocais:
José Figueroa Dávila, xefe Acción Comarcal da SDC.
Rosario Álvarez Cao, xefa de Planificación da SDC.
Julio Manuel Yebra-Pimentel Blanco, alcalde-presidente do Concello de Carballedo.
Manuel Lorenzo Varela Rodríguez, alcalde-presidente do Concello de Chantada.
José Jesús Ramos Ledo, alcalde-presidente do Concello de Taboada.
VI. Proceso de selección.
1. Expirado o prazo de presentación de solicitudes, a comisión de selección publicará as listas previas de admitidos e excluídos, co motivo da exclusión, se é o caso; establécese un prazo de dez días hábiles para que, a petición do interesado, se poida reparar calquera erro que sexa emendable. Esgotado este prazo, publicaranse as listas definitivas de admitidos e excluídos e fixaranse o lugar e data de celebración da proba de coñecementos. Os candidatos deberán asistir provistos do DNI. Estas listas publicaranse no taboleiro de anuncios da Sociedade Anónima para o Desenvolvemento Comarcal de Galicia.
2. As probas de selección consistirán en:
a) Proba escrita teórico-práctica sobre os coñecementos e contidos que se recollen no punto II.a). A puntuación máxima que se poderá acadar nesta proba é de 10 puntos. Os candidatos que non acaden a puntuación de 5 puntos nesta proba quedarán automaticamente eliminados. Os cinco candidatos que obteñan maior puntuación na proba escrita serán convocados á proba oral.
b) Proba oral sobre experiencia profesional en desenvolvemento territorial/local e sobre coñecementos con base na temática que se recolle nos puntos II.a) e II.b) destas bases. Os candidatos convocados deberán responder, durante un máximo de 30 minutos, ás preguntas que, sobre os citados contidos, lle sexan formuladas polos membros da comisión de selección. A puntuación máxima que se poderá acadar nesta proba é de 5 puntos, sendo necesario acadar unha puntuación mínima de 2,5 puntos para superar esta proba.
Unha vez valoradas as probas anteriores, a comisión de selección publicará no taboleiro de anuncios da Sociedade para o Desenvolvemento Comarcal de Galicia os resultados definitivos, con indicación expresa do candidato seleccionado.
Santiago de Compostela, 4 de decembro de 2000.
Andrés Precedo Ledo
Presidente do Padroado da Fundación para
o Desenvolvemento da Comarca de Chantada
ANEXO I
D./Dna. ... con DNI ... , en virtude da convocatoria da praza de xerente da Fundación para o Desenvolvemento da Comarca de Chantada,
SOLICITA:
participar no proceso selectivo para cubrir unha praza de xerente convocada pola Fundación para o
Desenvolvemento da Comarca de Chantada mediante anuncio público desta fundación no DOG nº... con data... .A tal fin, axúntase documentación conforme ó recollido nas bases da citada convocatoria.
Santiago de Compostela, ... de... de 2000.
Asdo.: ...
Presidente do Padroado da Fundación para o Desenvolvemento da Comarca de Chantada