O Pleno do Concello de Vigo, en sesión do día 30 de outubro de 2000, adoptou o seguinte acordo:
«Primeiro.-Desestima-la alegación presentada por Asunción Rodríguez Fernández, e estimar parcial
mente a formulada por Rodrigo Costas Duarte, en representación da Asociación Veciñal, Cultural e Deportiva de Candeán, durante o período de información pública do procedemento, polos motivos e nos termos que se sinalan na parte expositiva deste acordo.
Segundo.-Aprobar definitivamente o Plan especial de mellora do núcleo 05.10 Salgueiro (Candeán) (expediente 4576/411), segundo a documentación corrixida á vista das alegacións formuladas no período de exposición pública do expediente e das obxeccións feitas pola Delegación Provincial da Consellería de Política Territorial, Obras Públicas e Vivenda con ocasión do seu preceptivo informe previo á aprobación definitiva, redactado polos arquitectos Inmaculada Garcés Navarro, Lidia Mabel Pacho Domínguez e Juan Luis Piñeiro Ferradás.
Terceiro.-Notifica-lo presente acordo a tódolos alegantes e propietarios na forma prevista no artigo 58 e seguintes da LRXAP-PAC, e proceder á publicación do planeamento aprobado nos termos do artigo 48.2º da Lei 1/1997, do 24 de marzo, do solo de Galicia, con remisión dunha copia autenticada do expediente administrativo completo e de dous exemplares do plan aprobado á Consellería de Política Territorial, Obras Públicas e Vivenda da Xunta de Galicia conforme o disposto no número 3 do citado artigo».
De conformidade co artigo 48.2º da Lei 1/1997, do 24 de marzo, do solo de Galicia, o planeamento deberá publicarse no Diario Oficial de Galicia e no BOP. Así mesmo, deberá publicarse no BOP o documento que conteña a normativa e as ordenanzas de aplicación.
Contra o devandito acordo, que pon fin a vía administrativa, poderá interpoñerse recurso contencioso-administrativo ante o Tribunal Superior de Xustiza de Galicia no prazo de dous meses contados a partir do día seguinte ó da publicación deste anuncio.
Ó abeiro do establecido no artigo 59.4º da Lei 30/1992, do 26 de novembro, de réxime xurídico das administracións públicas e do procedemento administrativo común, por medio do presente anuncio, e publicación no taboleiro de edictos do concello, notifícaselle-lo acordo que nel se contén a tódolos propietarios que sexan descoñecidos, dos que se ignore o lugar da notificación ou ben, intentada esta, non se puidese practicar.
Vigo, 23 de novembro de 2000.
Lois Pérez Castrillo
Alcalde-presidente da Xerencia
Municipal de Urbanismo