Examinados os expedientes promovidos pola Federación de Traballadores do Ensino de Galicia (Fete-UGT), en colaboración coa Universidade de Santiago de Compostela e a Universidade de Vigo, para os cursos de especialización en educación infantil realizados en Lugo e Vigo, así como o expediente da Universidade de Santiago de Compostela para o Magister Especialista en Trastornos da Audición e a Linguaxe realizado en Santiago de Compostela, homologados con datas do 10 de marzo, 6 de maio e 20 de xaneiro de 1998 respectivamente, e segundo o establecido na Orde ministerial do 11-1-1996, con corrección de erros no BOE do 3 de febreiro de 1996, pola que se homologan os cursos de especialización de educación infantil, educación primaria, de educación especial e do primeiro ciclo de educación secundaria obrigatoria e de habilitación para o primeiro ciclo de educación infantil, e na Resolución do 3 de novembro de 1997 (DOG do 17), pola que se regulan as condicións e o procedemento para a

homologación dos citados cursos de especialización, esta dirección xeral, de conformidade co disposto no punto noveno da devandita resolución,

RESOLVE:

Primeiro.-Declarar aptos os mestres funcionarios de carreira relacionados no anexo I desta resolución e que superaron satisfactoriamente os cursos que nel figuran.

Segundo.-A Universidade de Santiago de Compostela, en colaboración coa Fete-UGT, e a Universidade de Vigo, en colaboración coa Fete-UGT, procederán a expedírlle-la certificación de especialistas en educación infantil, e a Universidade de Santiago de Compostela a certificación de especialistas en trastornos da audición e da linguaxe, ós mestres declarados aptos ó amparo desta resolución, de conformidade e coas condicións que figuran no punto oitavo da resolución da Consellería de Educación e Ordenación Universitaria do 3 de novembro de 1997.

Terceiro.-Contra esta resolución, que esgota a vía administrativa, os interesados poderán interpoñer recurso potestativo de reposición perante a directora xeral de Ordenación Universitaria e Formación Profesional no prazo dun mes contado a partir do día seguinte ó da súa publicación no DOG, segundo o disposto nos artigos 116 e 117 da Lei 4/1999 (BOE do 14 de xaneiro), de modificación da Lei 30/1992,

de réxime xurídico das administracións públicas e do procedemento administrativo común, ou ben directamente o recurso contencioso-administrativo, no prazo de dous meses, perante o Tribunal Superior de Xustiza de Galicia.

Santiago de Compostela, 20 de novembro de 2000.

María Pilar del Mar Pérez Marsó

Directora xeral de Ordenación Educativa

e Formación Profesional

ANEXO I

Curso de Especialización en Educación Infantil (Lugo). Fete-UGT e Universidade de Santiago de Compostela.

Curso Especialidade de Educación Infantil (Vigo). Fete-UGT e Universidade de Vigo.

Magister Especialista en Trastornos da Audición e a Linguaxe (Santiago de Compostela). Universidade de Santiago de Compostela. Facultade de Ciencias da Educación.