O Decreto 110/1999, do 8 de abril (DOG do 5 de maio), polo que se crea e regula o Consello Galego de Formación Profesional, establece no seu artigo 5.2º que os membros do Consello Galego de Formación Profesional e os seus suplentes serán nomeados polo titular da Consellería de Educación e Ordenación Universitaria, por proposta de cada un dos grupos ou consellerías que representan e que o seu cesamento se levará a cabo deste mesmo xeito.

En consecuencia, por proposta da Confederación de Empresarios de Galicia,

DISPOÑO:

Artigo 1º

O cesamento de Beatriz Someso Anguita, como vocal suplente, en representación da Confederación de Empresarios de Galicia, no Consello Galego de Formación Profesional.

Artigo 2º

Designar a Carlos Alberto Rivas Iglesias, como vocal suplente, en representación da Confederación de Empresarios de Galicia, no Consello Galego de Formación Profesional.

Santiago de Compostela, 30 de novembro de 2000.

Celso Currás Fernández

Conselleiro de Educación e Ordenación Universitaria