Para os efectos previstos na Lei 54/1997, do 27 de novembro e no artigo 9 do Decreto 2617/1966, sométese a información pública a petición de autorización da instalación eléctrica que se cita:
Solicitante: Unión Fenosa Distribución, S.A.
Domicilio social: Avda. de Arteixo, 171, 15000 A Coruña.
Denominación: modificación apoio nº 120 L.A.T. 66 kV Paxareiras-Pontella.
Situación: Dumbría.
Descricións técnicas: modificación do apoio nº 120 da liña de alta tensión, a 66 kV Tambre Pontella, ó lado da subestación de Paxareiras, da empresa Eurovento, S.L. consistente en:
Novo posicionamento do apoio metálico e tendido destensado de conductor tipo cardinal de 547 mm Al, de 15 m de lonxitude desde o dito apoio ó pórtico de entrada, entrando e saíndo na subestación. Mazaricos.
Todas aquelas persoas ou entidades que se consideren afectadas poderán presenta-las súas alegacións nesta delegación provincial, no prazo de trinta días.
A Coruña, 23 de outubro de 2000.
Jesús Espada Martínez
Delegado provincial da Coruña