1. Entidade adxudicadora: organismo: Concello de Vigo. Dependencia: Cultura. Núm. expte.: 6647/331.

2. Obxecto do contrato: descrición: informatización e dixitalización do arquivo Pacheco, mediante a transferencia da información gráfica das antigas placas de soporte químico a un sistema de almacenamento, indexado, xestión e busca de fotografías en soporte dixital, susceptible de implementarse a través de redes locais e da Internet e a través de protocolos TCP IP.

Lotes: non.

Lugar de execución: Vigo (Pontevedra).

Prazo de entrega: 7 meses.

3. Tramitación, procedemento e forma de adxudicación:

Tramitación: urxente.

Procedemento: aberto.

Forma: concurso.

4. Orzamento base: 14.000.000 de pesetas/ano (84.141,69 euros).

5. Garantías: provisionais: dispénsase a súa presentación.

6. Obtención de documentación e información: rexistro xeral do Concello de Vigo, Praza do Rei, s/n, 36202 Vigo, teléfono: 986 81 01 48, fax: 986 81 02 40. Data límite para solicitar documentación: ata o día no que remata o prazo de presentación de proposicións.

7. Requisitos específicos do contratista: clasificación: non se esixe. Outros requisitos: acredita-la solvencia económica e financeira en calquera das formas previstas nos artigos 16 e 19 do Real decreto lexislativo 2/2000, do 16 de xuño.

8. Presentación de ofertas: prazo: 8 días naturais seguintes ó da publicación do derradeiro anuncio de licitación no BOP de Pontevedra ou no Diario Oficial de Galicia.

Documentación: a esixida na cláusula 9 do prego de condicións.

Lugar de presentación: véxase punto 6 do anuncio.

Prazo da obriga de mante-la oferta: 3 meses contados desde o día da apertura de proposicións.

9. Apertura de ofertas: entidade, domicilio e localidade: véxase punto 6 do anuncio. Data e hora: 10 horas do primeiro martes seguinte ó día que remate o prazo de presentación de ofertas.

10. Gastos de anuncios: serán por conta dos adxudicatarios.

Vigo, 24 de novembro de 2000.

Lois Pérez Castrillo

Alcalde