O Consello da Xerencia Municipal de Urbanismo, en sesión do día 23 de novembro de 2000, acordou aprobar inicialmente a modificación do estudio de detalle Agarimo, presentado ante esta Xerencia Municipal de Urbanismo, con datas 4 de maio, 6 e 26 de xuño de 2000, redactada polo arquitecto Manuel Bouza Cavada, con visado do COAG do 2 de maio e 5 de xuño de 2000, que modifica a do estudio de detalle para a parcela sinalada co nº 4 da rúa Tomás A. Alonso, con fronte tamén á rúa Escalinata, aprobado inicialmente polo Consello da Xerencia Municipal de Urbanismo en sesión do 6 de febreiro de 1998.

Sométese o presente expediente ó trámite de información pública polo prazo dun mes, a través da publicación no DOG, nun dos xornais de maior circulación da provincia e taboleiro de anuncios da Xerencia Municipal de Urbanismo, segundo o establecido no artigo 42.1º, significando que o prazo de exposición pública se entenderá aberto desde a primeira publicación ata o remate do mes contado desde o derradeiro anuncio.

A documentación do presente expediente atópase ó dispor do público en xeral na oficina de información urbanística, na planta baixa da Xerencia.

O presente anuncio servirá de notificación, nos termos establecidos no artigo 59.4º da Lei 30/1992, do 26 de novembro, de réxime xurídico das administracións públicas e do procedemento administrativo común, modificada pola Lei 4/1999, do 13 de xaneiro, para todos aqueles propietarios ou interesados directamente afectados que, por resultaren descoñecidos ou por ignorarse o seu domicilio, non poidan ser notificados persoalmente.

Vigo, 27 de novembro de 2000.

Lois Pérez Castrillo

Alcalde, presidente da Xerencia Municipal

de Urbanismo