Cumpridos os trámites previstos na Lei 62/1997, do 26 de decembro, de modificación da Lei 27/1992, do 24 de novembro, de portos do Estado e da Mariña Mercante, na Lei 22/1998, de costas, no seu regulamento, aprobado por Real decreto 1471/1989, do 1 de decembro, e nas demais normas de procedente aplicación; acordouse en virtude das atribucións delegadas por orde do conselleiro de Política Territorial, Obras Públicas e Vivenda do 29 de xaneiro de 1996, outorgar por resolucións que poñen fin á vía administrativa, as seguintes concesións en dominio público portuario, con suxeición ás condicións estipuladas nos pregos de condición correspondentes.
Resolución: 26-9-2000.
Obxecto: construcción e explotación de instalacións de subministración de combustible a embarcacións.
Porto: O Grove.
Adxudicatario: Repsol Comercial de Productos Petrolíferos, S.A.
Prazo: 20 anos.
Resolución: 4-10-2000.
Obxecto: instalación dun barco-museo boniteiro e construcción dun edificio destinado a aulas de ensinanzas marítimas.
Porto: Burela.
Adxudicatario: Concello de Burela.
Prazo: 15 anos.
Resolución: 27-10-2000.
Obxecto: construcción dunha nave para almacén de fertilizantes e mercadorías en xeral.
Porto: Ribadeo.
Adxudicatario: Granos y Almacenajes de Ribadeo, S.L.
Prazo: 15 anos.
Contra os citados actos administrativos que esgotan a vía administrativa, cabe interpor recurso contencioso-administrativo ante, á elección do interesado, o Xulgado do Contencioso-Administrativo da Coruña ou ante o Xulgado do Contencioso-Administrativo competente na circunscrición onde teña aquel o seu domicilio, no prazo de dous (2) meses contados a partir do día seguinte ó da publicación da resolución facendo público o outorgamento.
Non obstante, os interesados poderán optar por interpor contra esta resolución recurso de reposición, no prazo dun (1) mes contado a partir do día seguinte ó desta publicación, perante o mesmo órgano que a dictou, de acordo co disposto no artigo 116 da Lei 30/1992, do 26 de novembro, de réxime xurídico das administracións públicas e do procedemento administrativo común, modificada pola Lei 4/1999, do 13 de xaneiro.
Santiago de Compostela, 14 de novembro de 2000.
Agustín Hernández Fdez. de Rojas
Presidente do ente público Portos de Galicia