O Consello da Xerencia Municipal de Urbanismo, en sesión do día 28 de setembro de 2000, acorodu aprobar inicialmente o proxecto de urbanismo do PERI II-06 Carballa, presentado pola xunta de compensación, redactado polos arquitectos Jesús Cordeiro Rodríguez, Antonio Davila Alonso, César Jiménez López, Luis Meijide Rico e Eva Filgueira Gracía, e visado polo COAG con datas do 15 de xullo e 4 de novembro de 1998 e 25 de xaneiro, 12 de xuño, 28 de xullo, 23 de agosto e 25 de setembro de 2000.

Sométese este expediente ó tramita de información pública polo prazo dun mes, a través de publicación no DOG, nun dos xornais de maior circulación da provincia e no taboleiro de anuncios da Xerencia Municipal de Urbanismo, segundo o establecido no artigo 42.1º, significando que o prazo de exposición pública se entenderá aberto desde a primeira publicación ata o remate do mes contado desde o derradeiro anuncio.

A documentación deste expediente atópase ó dispor do público en xeral na oficina de Información Urbanística, na planta baixa da Xerencia.

Este anuncio servirá de notificación, nos termos establecidos no artigo 59.4º da Lei 30/1992, do 26 de novembro, de réxime xurídico das administracións públicas e do procedemento administrativo común, modificada pola Lei 4/1999, do 13 de xaneiro, para todos aqueles propietarios ou interesados directamente afectados que, por resultar descoñecido ou ignorado o seu domicilio, non poidan ser notificados persoalmente.

Vigo, 23 de outubro de 2000.

Lois Pérez Castrillo

Alcalde-presidente da Xerencia Municipal de Urbanismo