Aprobado polo Pleno da Corporación, en sesión ordinaria do día 19 de outubro de 2000, e prego de cláusulas administrativas particulares e técnicas que rexerán o concurso público para a contratación dos traballos de redacción do Plan Xeral de Ordenación Municipal, exponse ó público na secretaría do concello, polo prazo de oito días contados a partir do seguinte ó da última publicación deste anuncio no BOP ou no Diario Oficial de Galicia, para efectos de exame e reclamacións.
Simultaneamente, anúnciase o concurso para contratación dos referidos traballos de redacción do Plan Xeral de Ordenación Municipal, ben que no suposto de presentárense reclamacións contra o prego de cláusulas, o concurso se aprazará canto resulte necesario, ata que sexan resoltas pola propia corporación.
Anuncio de licitación.
1. Entidade adxudicadora. Organismo. Concello de Palas de Rei. Dependencia que tramita o expediente: secretaría xeral.
2. Obxecto: consultoría e asistencia técnica para a redacción do Plan Xeral de Ordenación Municipal do Concello de Palas de Rei. Prazo de execución: segundo os prazos establecidos nos pregos en atención á subvención que cofinancia o contrato. Total non superior ó 30 de outubro de 2003.
3. Tramitación: ordinaria. Procedemento: aberto. Forma: concurso.
4. Tipo de licitación: 18.864.384 pesetas.
5. Garantías. Provisional: 2% do orzamento do contrato. Definitiva: 4% do prezo de adxudicación.
6. Obtención de información e documentación: Concello de Palas de Rei (Lugo), avda. de Compostela, 28-2º, 27200. Palas de Rei (Lugo). Teléfono: 982 38 00 01. Fax: 982 37 40 15, en horario de oficina, ata o último día do prazo para a presentación de ofertas.
7. Requisitos xerais do contratista: os sinalados no prego de condicións particulares.
8. Presentación de proposicións: a presentación das proposicións terá lugar no rexistro do concello nos 26 días naturais, contados desde o seguinte ó da última publicación deste anuncio no BOP ou DOG. Se o último día do prazo coincide en sábado ou día inhábil, o prazo rematará ás doce horas do seguinte día hábil.
9. As proposicións constarán de tres sobres pechados A, B e C, denominados: «Documentación acreditativa da personalidade, características do contratista e garantía depositada»; «Oferta económica» e «Documentación complementaria, criterios diferentes ó do prezo».
10. Apertura das ofertas: ás 13 horas do sexto día hábil seguinte ó de finalización do prazo para a presentación de proposicións (para estes efectos o sábado considérase inhábil).
11. Gastos de anuncios: por conta do adxudicatario.
Palas de Rei, 20 de outubro de 2000.
O alcalde
Rubricado