Debido ó importante volume de solicitudes recibidas e ós elevados investimentos dirixidos á distribución loxística e promoción do comercio e dos productos galegos, esta consellería considerou conveniente efectua-los trámites precisos para incrementa-la dotación inicialmente prevista na orde de referencia.
Na súa virtude e no uso das atribucións que me foron concedidas
DISPOÑO:
Artigo único.-Amplia-la dotación orzamentaria da Orde de 22 de maio de 2000 que regula a concesión de subvencións a asociacións e federacións sen fin de lucro para actividades de distribución, loxística e promoción comercial, por un importe de 100.000.000 de pesetas, con cargo á aplicación 08.04.753-A-781.0.
Disposición derradeira
Única.-Esta orde entrará en vigor o día seguinte ó da súa publicación no Diario Oficial de Galicia.
Santiago de Compostela, 17 de novembro de 2000.
Juan Rodríguez Yuste
Conselleiro de Industria e Comercio