O Consello da Xerencia Municipal de Urbanismo de Vigo, en sesión do día 5 de outubro de 2000, adoptou, entre outros, o seguinte acordo:
Primeiro.-Inicia-lo expediente de modificación puntual do plan xeral no que se refire á delimitación da ficha de características do PERI IV-08 Santa Cristina, de acordo coas propostas que figuran no avance de PERI redactado por iniciativa municipal, e encargar ós servicios técnicos e xurídicos da Oficina de Planeamento e Xestión da Xerencia de Urbanismo a elaboración do dito expediente.
Segundo.-Tomar coñecemento do avance do plan especial de reforma interior IV-08 Santa Cristina (expediente 6160/411), de iniciativa municipal, polo arquitecto César Álvarez Arines, con data de xuño de 2000.
Terceiro.-Somete-lo expediente a información pública, polo prazo dun mes, con notificacións individuais ós propietarios dos terreos afectados, mediante anuncio que se publicará no Diario Oficial
de Galicia e nun dos xornais de maior circulación da provincia co fin de que as distintas entidades e particulares poidan formula-las suxestións que coiden oportunas e presenta-las propostas e convenios urbanísticos que consideren procedentes.
Cuarto.-Remítase un exemplar do avance á Delegación do Goberno de Galicia e á CPTOPV co fin de que no mesmo prazo, a Administración achegue cantos documentos e informacións deban ser tidas en conta para a redacción do presente PERI.
Quinto.-Déase traslado de copia do expediente á Comisión Provincial de Patrimonio da Consellería de Cultura para informe, tendo en conta a inclusión da igrexa de Santa Cristina de Lavadores.
Sexto.-Solicítense informes dos departamentos municipais de Seguridade, Circulación e Transporte, Vías e Obras, Infraestructuras, Medio Ambiente, así como das empresas concesionarias dos servicios.
O prazo de exposición ó público entenderase aberto desde a primeira publicación ata o remate do mes contados desde o derradeiro anuncio. A documentación atópase na oficina de información da Xerencia Municipal de Urbanismo á disposición do público, planta baixa do edificio da xerencia.
O presente anuncio servirá de notificación nos termos do artigo 59 da Lei de réxime xurídico das administracións públicas e do procedemento administrativo común para tódolos propietarios e interesados directamente afectados que por resultaren descoñecidos ou ignorando o seu enderezo non poidan ser notificados persoalmente.
Vigo, 24 de outubro de 2000.
Lois Pérez Castrillo
Alcalde-presidente da Xerencia Municipal
de Urbanismo