Con base no artigo 26.1º da Lei 7/1999, do 29 de decembro, de orzamentos xerais da Comunidade Autónoma de Galicia para o ano 2000, o Consello da Xunta de Galicia, por Decreto 16/2000, do 20 de xaneiro, autorizou a realización das operacións financeiras recollidas na indicada lei mediante a emisión de débeda pública ou a concertación de créditos, facultando, así mesmo, o conselleiro de Economía e Facenda para que estableza as condicións das ditas operacións e dicte as disposicións necesarias para tal efecto.

Por todo isto,

DISPOÑO:

Artigo 1º

Obtida a autorización, establecida no artigo 14.3º da Lei orgánica 8/1980, do 22 de setembro, de financiamento das comunidades autónomas, mediante acordo do Consello de Ministros con data do 24 de marzo de 2000, disponse a emisión de débeda pública por un importe de 250 millóns de euros.

Artigo 2º

Esta emisión realízase baixo a forma de obrigacións da Xunta de Galicia, representada mediante anotacións en conta, ó abeiro dos artigos 55 e seguintes da Lei 24/1988, do 28 de xullo, do mercado de valores e da Lei 41/1999, de 12 de novembro, sobre sistemas de pagos e de liquidación de valores.

A emisión de débeda pública que autoriza a presente orde terá as características que se detallan a continuación:

-Importe: 250 millóns de euros.

-Data da emisión: 29 de novembro de 2000.

-Data de desembolso: 29 de novembro de 2000.

-Prezo da emisión: 100,6227802%.

-Nominal das obrigacións: 1.000 euros.

-Subscrición: realizarana directamente as entidades financeiras aseguradoras da emisión, actuando no nome propio ou por conta de terceiras persoas, o día 28 de novembro de 2000.

-Cupón: os cupóns anuais vencerán o 29 de novembro de cada ano. A Xunta de Galicia pagará no seu vencemento os cupóns polo seu importe líquido. Procederase, se é o caso, á devolución das retencións practicadas segundo procedemento establecido en cada momento na lexislación aplicable.

-Cotizacións: solicitarase a inscrición desta débeda pública á Central de Anotacións de Débeda Pública do Banco de España na forma prevista nos artigos 55 e seguintes da Lei 24/1988, do 28 de xullo, do mercado de valores e nos demais preceptos legais aplicables na materia.

-Fiscalidade: de conformidade co previsto no artigo 14.5º da Lei orgánica 8/1980, do 22 de setembro, de financiamento das comunidades autónomas, esta emisión goza dos mesmos beneficios e condicións cá débeda pública do Estado.

-Amortización: dunha soa vez ó par, ós dez (10) anos desde a data da emisión.

-Tipo de xuro: 5,80%.

-Liquidez: as entidades aseguradoras garanten durante a vida da emisión a liquidez das obrigacións.

Disposición derradeira

Esta orde entrará en vigor o mesmo día da súa publicación no Diario Oficial de Galicia.

Santiago de Compostela, 21 de novembro de 2000.

José Antonio Orza Fernández

Conselleiro de Economía e Facenda