Ángel Villacé Rodríguez, como representante e administrador da entidade mercantil Promociones Ganesen, S.L. presentou no rexistro xeral da Xerencia Municipal de Urbanismo en data do 17 de xullo de 2000, o proxecto de compensación na rúa Pardaíña, s/n, na parroquia de Bouzas.
De conformidade co establecido no artigo 133.8º, en relación co 102.4º da Lei 1/1997, do 24 de marzo, do solo de Galicia, sométese o devandito proxecto a exposición pública polo prazo de vinte días desde a publicación do presente anuncio no Diario Oficial de Galicia para que se presenten cantas alegacións ou documentos se estimen por convenientes.
O expediente atópase á disposición do público na oficina de Información da Xerencia Municipal de Urbanismo (planta baixa do edificio da xerencia).
Vigo, 10 de novembro de 2000.
Lois Pérez Castrillo
Alcalde-presidente da Xerencia Municipal
de Urbanismo