Aprobado pola Comisión de Goberno deste concello, en sesión celebrada o día 10 de novembro do ano en que estamos, o prego de cláusulas administrativas particulares que rexerán na contratación por concurso das obras do proxecto de acceso a núcleos de poboación de Loboso, Álvare, Cadavedo, Crecente, Gueimonde e Bretoña, exponse ó público na secretaría deste concello polo prazo de oito días, contados a partir do seguinte ó da derradeira publicación deste anuncio no BOP ou no Diario Oficial de Galicia, para efectos de exame e reclamacións.
Simultaneamente, anúnciase a contratación da dita obra, se ben no suposto de presentárense reclamacións contra o prego de cláusulas, o concurso aprazarase cando resulte necesario, ata que sexan resoltas pola propia corporación.
1. Entidad adxudicadora.
a) Concello da Pastoriza.
b) Dependencia que tramita o expediente: secretaría.
2. Obxecto do contrato.
a) Accesos a núcleos de poboación de Loboso, Álvare, Cadavedo, Crecente, Gueimonde e Bretoña.
b) Lugar de execución: Municipio da Pastoriza.
c) Prazo de execución: nove meses.
3. Orzamento base de licitación, importe total: 20.987.515 pesetas, IVE incluído.
4. Tramitación, procedemento e forma de adxudicación.
a) Tramitación: uxente.
b) Procedemento: aberto.
c) Forma: concurso.
5. Garantías.
a) Provisional: 419.750 pesetas.
b) Definitiva: 4% do importe de adxudicación.
6. Obtención de documentación e información.
a) Entidade: Concello da Pastoriza.
b) Domicilio: praza de Galicia, nº 1.
c) Localidade e código postal: A Pastoriza, 27287.
d) Teléfono: 982 33 21 97.
e) Fax: 982 33 22 33.
7. Requisitos específicos do contratista: clasificación no grupo G, subgrupo 6, categoría c).
8. Presentación de ofertas.
a) Data límite de presentación: trece días naturais contados desde o seguinte ó da publicación do anuncio de licitación no BOP de Lugo e no Diario Oficial de Galicia, tomando como día para o inicio do prazo seguinte ó da última publicación.
b) Documentación que hai que presentar: a esixida na cláusula 18 do prego de cláusulas administrativas particulares.
c) Lugar de presentación: Concello da Pastoriza, praza de Galicia, nº 1.
9. Apertura de ofertas: no salón de sesións deste concello ás trece horas do terceiro día hábil seguinte ó da finalización do prazo de presentación de proposicións.
10. Criterios que servirán de base para a adxudicación:
-Antecedentes relativos a obras de natureza análoga realizadas polo contratista para este concello e para as distintas administracións públicas, ata oito puntos.
-Unidades de obra adicional, ata seis puntos.
-Prazo de execución da obra ofertado polo contratista, ata catro puntos, a criterios da mesa de contratación, condicionado á súa viabilidade.
-Menor prezo ofertado, ata dous puntos.
11. Gastos de anuncios: por conta do adxudicatario.
A Pastoriza, 13 de novembro de 2000.
José Yáñez García
Alcalde