Visto o expediente para outorgamento de autorización administrativa e aprobación do proxecto de execución da instalación eléctrica que a continuación se cita.

Solicitante: Electra del Jallas, S.A.

Domicilio social: praza da Constitución, 17, 15000 Cee.

Denominación: L.M.T., C.T., R.B.T. Almozara, O Campelo e O Loureiro.

Situación: Santa Comba.

Descricións técnicas: liñas eléctricas aéreas de media tensión, a 20 kV, sobre apoios de formigón e con conductor LA-56. De 786 m de lonxitude, con orixe na liña Corveira-A Pereira e final no C.T. O Campelo, que se vai instalar. De 254 m de lonxitude, con orixe na liña que alimentará o C.T. O Campelo e final no C.T. O Loureiro, que se vai instalar. De 17 m de lonxitude, con orixe na liña que alimentará a C.T. O Campelo e final no C.T. Almozara, que se vai instalar. Centros de transformación, tipo intemperie, de 100 kVA e tensións de 20/0,380-0,220 kV, do Campelo, O Loureiro e Almozara, dos que parten redes de baixa tensión sobre apoios de formigón e conductor R.Z., de 515 m, de 1.345 m e 615 m de lonxitude, respectivamente. Santa Comba.

Cumpridos os trámites ordenados na Lei 54/1997, do 27 de novembro, e nos capítulos III e IV do Decreto 2617/1966, do 20 de outubro, sobre autorización de instalacións eléctricas, esta delegación provincial resolve:

Autorizar e aproba-lo proxecto de execución das devanditas instalacións, das que as características se axustarán en tódalas súas partes ás que figuran nel e ás condicións técnicas e de seguridade establecidas nos regulamentos de aplicación e nos condicionados establecidos polos ministerios, organismos ou corporacións que constan no expediente.

Contra a presente resolución poderase interpoñer recurso de alzada ante o conselleiro de Industria e Comercio no prazo dun mes contado a partir do día seguinte ó da notificación desta resolución; tamén poderá interpoñer calquera outro recurso que estime pertinente ó seu dereito.

A Coruña, 10 de outubro de 2000.

Jesús Espada Martínez

Delegado provincial da Coruña