A Comisión de Goberno, en sesión do día 6 de novembro de 2000, aprobou o prego de cláusulas administrativas que rexerán o procedemento aberto polo trámite urxente para a contratación por concurso da obra de construcción de acceso nas Bouzas (Fondo Cooperación Local coas Entidades Locais ano 2000), o cal se expón ó público polo prazo de catro días, contados a partir do seguinte ó da última publicación deste anuncio no BOP de Ourense ou no DOG para que se poidan presentar reclamacións.
Simultaneamente anúnciase concurso público polo trámite urxente, ben que a licitación se aprazará canto resulte necesario, no suposto de que se formulen reclamacións contra o citado prego.
1. Entidade adxudicadora.
a) Organismo: Comisión de Goberno do Concello de Vilamarín.
b) Dependencia que tramita o expediente: Secretaría.
2. Obxecto do contrato. Descrición.
A execución da obra de construcción de acceso nas Bouzas conforme o proxecto técnico redactado polo enxeñeiro agronómo Pablo Millán Trillo. Prazo de execución: 3 meses.
3. Tramitación, procedemento e forma de adxudicación.
a) Tramitación: urxente.
b) Procedemento: aberto.
c) Forma: concurso.
4. Orzamento base licitación.
O orzamento de execución por contrata e tipo de licitación ascende á cantidade de 10.441.192 pesetas.
5. Garantías.
Provisional: non se esixe.
Definitiva: será do 4% do orzamento de adxudicación.
6. Obtención de documentación e información.
a) Entidade: Concello de Vilamarín.
b) Domicilio: A Pena-Reádegos.
c) Localidade: Vilamarín, C.P. 32101.
d) Teléfono: 988 28 60 00.
e) Fax: 988 28 60 00.
f) Data límite de obtención de documentos e información. Ata o último día do prazo para a presentación de ofertas.
7. Requisitos específicos do contratista.
Non se esixe clasificación.
8. Presentación de ofertas.
a) Data límite: para a presentación de ofertas para tomar parte da citada contratación, dentro dos 13 días naturais contados desde o seguinte ó da última publicación deste anuncio no BOP de Ourense ou no DOG. Se o último día fose inhábil ou sábado, o prazo finalizará o primeiro hábil seguinte.
b) Documentación que hai que presentar: a que se indica no prego de cláusulas administrativas que rexen a citada contratación, conforme o modelo que o dito prego establece e da forma que se indica na base 19º do prego.
c) Lugar de presentación: Concello de Vilamarín.
9. Apertura de ofertas.
a) Entidade: Concello de Vilamarín.
b) Data: as catorce horas do terceiro día hábil posterior ó remate do prazo de presentación de proposicións (excepto sábados).
10. Gastos dos anuncios.
Os gastos dos anuncios serán sempre por conta do adxudicatario.
Vilamarín, 8 de novembro de 2000.
Amador Vázquez Vázquez
Alcalde
