O Consello da Xerencia Municipal de Urbanismo, en sesión do 19 de outubro de 2000, adoptou, entre outros, o seguinte acordo:

Primeiro.-Aprobar inicialmente o estudio de detalle da unidade de execución IV-09 Ramón Nieto 3, (exp. 5653/411) situada entre a rúa Ramón Nieto e a Travesía de Pardavila, promovida pola comisión xestora, actualmente constituída en xunta de compensación, do devandito polígono, conforme o proxecto técnico redactado pola arquitecta María A. Leboreiro Amaro, e visado polo COAG con data do

11 de setembro de 2000, coas precisións que se conteñen no punto seguinte deste acordo, así como a de que a parcelación e asignación de edificabilidades que figuran no estudio de detalle teñen carácter meramente indicativo, pendente de concreción no correspondente proxecto de compensación.

Segundo.-A aprobación definitiva, salvo suficiente xustificación en contrario, deberá incluí-la corrección da ordenación proposta, de acordo co sinalado polo arquitecto municipal no seu informe do 28 de setembro de 2000, sobre asignación á edificación consolidada, nº 129 da rúa Ramón Nieto, dunha altura de V plantas, reducindo a capacidade edificatoria dos sólidos que figuran na parcela B, así como a consideración dos espacios libres entre bloques como de cesións de uso público en superficie para facilita-lo acceso á zona verde e libre.

Terceiro.-Proceder a continuación ó trámite de información pública polo prazo mínimo dun mes, mediante anuncio que se publicará no DOG e nun dos xornais de maior circulación da provincia, así como notificación individual ós propietarios afectados como ós estremeiros dos inmobles sinalados cos números 133-139 da rúa Ramón Nieto, 23 e 27 da Travesía de Pardavila 9ª e 3 da rúa Pardavila.

O prazo de exposición ó público entenderase aberto desde a primeira publicación ata o remate do mes, contado desde o derradeiro anuncio. A documentación atópase na Oficina de Información da Xerencia Municipal de Urbanismo ó dispor do público, planta baixa do edificio da xerencia.

O presente anuncio servirá de notificación nos termos do artigo 59 da Lei de réxime xurídico das administracións públicas e do procedemento administrativo común, para tódolos propietarios e interesados directamente afectados que, por resultaren descoñecidos ou por ignorarse o seu enderezo, non poidan ser notificados persoalmente.

Vigo, 25 de outubro de 2000.

Lois Pérez Castrillo

Alcalde-presidente da Xerencia Municipal

de Urbanismo